Бүген башлангыч сыйныфларда әйләнә-тирә дөнья атналыгы башланды. Укучылар ике командага бүленеп үзләренең белемнәрен сынадылар. "Агачны киендер" уенында яфракка күбрәк агач исемнәре язып "Кояш" командасы җиңеп чыкты. Викторина сорауларына җавап биргәндә "Йолдызлар" командасы тапкырлык күрсәтте. Уен ахырында очколар тигезләште.

Бүген рус теле атналыгы уңаеннан 5-6 нчы сыйныфлар арасында "Своя игра" дигән уен-викторина узды. Укучылар әкиятләрне белү-белмәүләрен тикшерделәр, узара ярыштылар.

Бүген мәктәптә гомуми ата-аналар җыелышы булып узды. Көн тәртибендә 3 чиреккә анализ, йомгак , тәрбияви доклад сөйләнде. Үрнәк агросәнәгать көллиятиеннән, Арчаның гумантиар-техник техникумыннан вәкилләрнең чыгышы булып узды. Алар чыгарылыш сыйныф әти-әниләре өчен үзләренең уку йорталары турында сөйләделәр.

Арча районында "Без бергә" Республикакүләм балалар сәнгать фестиваленең район этабы узды. Әлге конкурста 5 нче сыйныф укучысы Хисматуллина Гөлназ нәфис сүз номинациясендә 1 дәрәҗәдә лаурет, "Мирас" инструменталь ансамбле 3 дәрәҗәдә лауреат булдылар. Шулай ук "Дуслык" ансамбле, "Девчата" бию коллективы дипломнар белән бүләкләнде.

Бүген мәктәптә Нәүрүз бәйрәме үтте. Кыш бабай белән хушлашып, Нәүрүзбикәне чакырдылар. Бәйрәмне ярышлар белән дәвам иттеләр. Укучылар һәм укытучылар тәмле ботка белән сыйландылар. Соңыннан кәгазьгә теләкләр язып, карачкы яндырдылар. Бәйрәм бик күңелле, һәркемнең күңеленә хуш килде.

Бүген «Илһам» бөтенроссия яшь язучылар бәйгесенең зона этабы үтте. Безнең мәктәптән 7 нче сыйныф укучысы Рамазанова Алинә әлеге конкурста уңышлы чыгыш ясады. Алга таба зур уңышлар телибез.

Бүген педагог-организатор Рахимова Рузилә 8-9 нчы сыйныфлар өчен ачык тәрбия сәгате үткәрде. Чара элек булган комсомол оешмаларына багышланган иде. Укучылар Комсомол кем булган? Аңа ничек кабул иткәннәр? Аларның роле нинди булган? дигән сорауларга җавап эзләделәр. Әлеге сорауларга кайчандыр комсомол оешмасына кабул ителгән укытучыларыбыз җавап бирде.

15 не март көнне район күләмендә "Живая классика" дигән чәчмә әсәр уку конкурсы булып узды. Әлеге конкурста безнең мәктәп укучылар уңышлы чыгыш ясадылар. 5 нче класс укучысы Хисматуллина Гөлназ 2 нче урынга лаек булды.

Бүген 5 класста инглиз теленнән "Shopping for clothes" (Покупка одежды) дигән темага ачык дәрес күрсәттеләр.

Инглиз теле атналыгы уңаеннан инглиз теле укытучысы Загриева Гөлназ Мансур кызы 5-9 сыйныфлар өчен викторина үткәрде. Укучылар башта үзләре белән таныштырдылар. Моның өчен һәрбер команда инглиз телендә кызыклы видеолар күрсәттеләр.