16-21 февраль көннәрендә мәктәбебездә гуманитар фәннәр атналыгы узды. Укытучылар файдалы, белемнәрне арттыру максатыннан ачык чаралар үткәрделәр, ә укучылар актив катнаштылар.

Мәктәбебездә 16-21 февраль көннәрендә гуманитар фәннәр атналыгы узды. Укытучылар ачык дәресләр үткәрделәр.

21 нче февраль — илебездә Халыкара туган телләр көне. Шул уңайдан Арчаның 5 нче гимназиясендә " Туган телем – серле дөнья " шигырь укучылар бәйгесе узды. Конкурсның максаты: бөек татар шагыйре, якташыбыз Габдулла Тукай мирасын яшь буынга җиткерү, туган телгә, әдәбиятына, шигъриятенә, гореф-гадәтләренә һәм мәдәниятенә кызыксыну уяту. Конкурста безнең мәктәптән дә укучылар катнашты. Бәйге нәтиҗәләре буенча 2 нче сыйныф укучысы Мәрданов Әмир һәм 3 сыйныф укучысы Галимов Ислам 3 нче урынга лаек булдылар. Котлыйбыз!

Мәктәбебезнең данын республикада яклап кайткан 9 сыйныф укучысы Рамазанова Зәринә (укытучысы Мусина Ч. Р.) - рус теле һәм рус әдәбияты фәне буенча республика олимпиадасы призеры! Зәринә, котлыйбыз, яңа үрләр теләп калабыз!

21нче февраль — Халыкара туган телләр көне уңаеннан мәктәбебездә туган (татар) теле һәм туган (татар) әдәбияты укытучысы Луиза Минһаҗ кызы һәм авыл китапханәчесе Рүзилә Равил кызы бәйрәм оештырды. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин һәркемнең дә туган теле бер генә. Шуңа күрә һәр милләт кешесе үз телен яратырга һәм башка милләтләрнең теленә хөрмәт белән карарга тиеш. Бүгенге чарада укучылар туган телне белүләрен ачыкладылар, бәйрәм бик җылы, эчтәлекле һәм милли рухта узды. Шулай ук кунак булып килгән авыл мәдәният йортыннан вәкил- Ранил Шакирҗановның улы Рияз белән җыр башкаруы тамашачыларга бик ошады. Бәйрәм традицион "Туган тел" җыры белән тәмамланды.

Хәрби-патриотик айлыгы уңаеннан башлангыч сыйныф укучылары белән "Тэг-регби" уены оештырылды. Зур сыйныф егетләре арасында оештырылган уеннарда: гәүдәне күтәрү ярышында- 1 урында Хәйруллин Ә., 2 урында Скатерников А., 3 урында Мәрданов Р. лаек булдылар. Шулай ук идәннән этелү ярышында - 1 урын Латипов С., 2 урын Скатерников А., 3 урынны Марданов Р. бүлештеләр. Әфәрин, егетләр!

Хәрби-патриотик айлыгы дәвам итә. Егетләр идәннән этелү ярышында катнаштылар: 1 урын - Латипов С. 9 класс, 2 урын- Скатерников А. 7 класс, 3 урын- Марданов Р. 9 класс

Хәрби-патриотик айлыгы дәвам итә. Егетләр өстәл теннисы ярышында катнаштылар: 1 урын - Хайруллин Әмир 8 класс, 2 урын - Хәйриев Нәфис 8 класс, 3 нче урын - Тахавиев Рәнис 9 класс.