Бүген Татарстан Республикасының Беренче Президенты Минтимер Шәрипович Шәймиев Кубогына үткәрелгән көрәш ярышларының җиңүчеләре, призерлары һәм тренерлар белән район башлыгы Алмаз Хисаметдинов очрашты. Актанышта булып узган көрәш ярышларында республикабызның 46 командасыннан 447 яшүсмер бил алышты. Яшүсмерләр арасында бик тә дәрәҗәле саналган бәйгедә Арча командасы 3 нче урынны яулаган иде. Әлеге бәйгедә безнең мәктәпнең 8 класс егетләре Хәйриев Нәфис белән Хәйруллин Әмир дә бар. Котлыйбыз, егетләр!

В рамках «Спартакиады школьников на 2025-2026 учебный год», в целях пропаганды здорового образа жизни, отвлечения учащихся от негативных явлений современной жизни и патриотического воспитания учащихся сегодня проведены соревнования по легкой атлетике среди команд школ Арского района. Наша ученица 7 класса Сафина Сюмбель заняла 3 место ????! Поздравляем!

Мәктәп бакчасында көзге эшләр башланып китте. Җәй дәвамында бакчада мул уңыш үстерелде. Мәктәп яны тәҗрибә участогын кышка әзерләү буенча зур эш башкарылды.

Район мәдәният йортында укытучыларның һөнәри бәйрәменә багышланган тантаналы кичә булды. Анда Арча муниципаль районы җитәкчеләре, ветеран укытучылар, бүгенгесе көндә яшь буынга белем һәм тәрбия бирү өлкәсендә армый-талмый хезмәт куючы педагоглар катнашты. Бәйрәм җыр, музыка, котлаулар белән үрелеп барды. Намуслы хезмәт иткән педагоглар төрле дәрәҗәдәге Мактау грамоталары, күкрәк билгеләре, Рәхмәт хатлары белән бүләкләнде. Мәктәбебезнең башлангыч класслар укытучысы Асхадуллина Гөлнара Җәүдәт кызы Арча муниципаль районы башлыгының Рәхмәт хаты белән бүләкләнде. Киләчәктә дә һөнәри уңышлар, сәламәтлек телибез.