Мәктәптә Г. Тукайның тууына 130 ел тулуга багышланган рәсем конкурсы булып узды. Әлеге бәйгедә һәрбер укучы катнашты.

Бүген Арча мәгариф идарәсенең актлар залында мәктәп китапханәчеләренең киңәшмәсе булып узды. Методист Гөлфирә Хәнәфиевна 2016-2017 нче уку елына дәреслекләргә бирелгән заказлар буенча чыгыш ясады, китапханәчеләрне борчыган сорауларга җавап бирде.

Бүген педагогик совет утырышының чираттагысы булып узды. Анда класс җитәкчеләре  3 нче чирек нәтиҗәләре белән таныштырдылар, алда торган максатлар һәм бурычлар әйтелде. 

1 нче класс укучылары каникулда да класс җитәкчеләре һәм музыка укытучысы белән бергә Әлифба бәйрәменә әзерләнделәр.

Һәр укучыга каникул вакытында сыерчык оялары ясарга кушылды. Бу эштә укучылар бик теләп катнашалар. Мәктәп буенча иң матур оя билгеләнәчәк.

Каникул көннәрендә 9 нчы класс укучылары имтиханнарга әзерләнәләр.

Бүген әти- әниләр җыелышы булды. Өченче чирек нәтиҗәләре әйтелде, алда торган имтиханнар һәм аңа әзерлек турында сөйләнде. 9 нчы классларның сыйныф җитәкчесе Закирова Н. Г. чыгыш ясады.

Рус әдәбиятыннан районда үткәрелгән Россия күләмендәге шигырь сөйләүчеләр конкурсында 8 нче класс укучысы Әхмәтҗанова Адилә икенче урынны яулады. Аны чын күңелдән уңышы белән котлыйбыз! 

Шагыйрә Клара Булатовага 80 яшь тулу уңаеннан кичә үткәрелде. Укучылар шагыйрәнең тормыш юлы, иҗаты белән таныштылар, шигырьләрен укыдылар.

Бүген Кәче авылы мәдәният йортында Әтнә театры "Серле төн" исемле балалар өчен спектакль тәкъдим итте. Балалар бик кызыксынып карадылар.