Бүген  мәктәп күләмендә өмә оештырылды. Өмәдән бер кеше дә читтә калмады. Барлык укучылар , укытучылар, техник хезмәткәрләр дә теләп катнаштылар. Бөтен мәктәп территориясе, юл буйлары, чишмә, һәйкәл тирәсе чүптән арындырылды; бордюрлар, агач төпләре агартылды.

Укучыларыбыз "Арча балы" конкурсында катнаштылар. Аларның биюе  "Самый волшебный танец"  исеменә лаек булды.

Бүген мәктәбебез укучылары авылдашыбыз, Казан дәүләт ветеринария медицинасы академиясендә авыл хуҗалыгы продукциясен җитештерү һәм эшкәртү технологиясе кафедрасының өлкән укытучысы, доцент , "Агулы үсемлекләр", "Туган ягым үсемлекләре" китаплары авторы Закиров Фоат Дәүли улы белән очрашты.

Бүген мәктәбебездә зур бәйрәм узды. Бөек Тукаебызның туган көне уңаеннан кичә оештырылды. Һәр укытучы һәм укучы татар халкының милли киеменнән үзенә бер элемент  алган иде, кызларыбыз калфак һәм яулыктан, егетләребез кәләпүштән.  Кичәдә укучыларыбыз Габдулла Тукайның шигырьләрен сөйләделәр, әкиятләрен сәхнәләштерделәр. Соңыннан "Туган тел" җыры күмәк башкарылды. 

Бүген 4 нче һәм 5 нче класс укучылары математика һәм тарих фәннәреннән Бөтенроссия тикшерү эшләре башкардылар.

9 нчы класс укучылары Бердәм Республика Тестлары үттеләр.

Бүген 4 нче класс укучылары рус теленнән һәм 5 нче класс укучылары математикадан Бөтенроссия тикшерү эшләре эшләделәр.

Бүген мәктәбебез укучылары җырчы, музыкаль педагог, халык уен коралларында уйнаучы -Шиһапов Солтан Фидәис улы белән очраштылар. Укучылар төрле музыка уен кораллыры: баян, тальян гармун, кыңгыраулы гармун, кубыз, сорнай, курай турында бик күп файдалы мәгълүмат алдылар, татар халык көйләрен, җырларын тыңладылар. Очрашу  Габдулла Тукайның "Туган тел" җырын күмәк җырлау белән тәмамланды.

Учащиеся нашей школы сегодня встретились  с ведущим специалистом аппарата исполнительного комитета Арского муниципального района Нигматуллиным Мансуром Камбиловичем. Мансур Камбилович рассказал о предупреждении правонарушений среди несовершеннолетних и о  проведении профилактического мероприятия "Дети России".