18 нче январь көнне республикакүләм "Класс җитәкчесе-2017" конкурсының зоналардагы этабы башланып китте. Бүген   Утар - Аты мәктәбе базасында  чираттагы этабы үтте. Биредә Наласа, Кушлавыч, Түбән Аты, Кәче, 5 нче номерлы гимназия, Урта Курса мәктәпләрендә эшләүче класс җитәкчеләре катнашты. Укытучылар жюрига  класстан тыш чара һәм осталык дәресләрен-"Мастер" класс тәкъдим иттеләр.Безнең Кәче төп гомумбелем бирү мәктәбеннән башлангыч сыйныфлар укытучысы Мөхәмәтшина Эльмира Госман кызы катнашты.

9 нчы сыйныф укучылары рус теле фәненнән ОГЭ га әзерлек максатыннан һәр көн өстәмә шөгыльләнәләр: тест биремнәре эшлиләр, иншалар язалар.

Озынайтылган көн төркеменә йөрүче укучыларыбыз клуб сәгатьләрен файдалы уздыралар. Бүген алар кул эшләре күргәзмәсенә әзерләнделәр.

Укучыларыбыз һәркөн иртән 8 нче яртыда спортзалга иртәнге зарядка ясарга җыела.

Озынайтылган көн төркеменә йөрүче укучыларыбыз бүген Габдулла Тукай әкиятләренә эшләнгән фильм карадылар.

Традиция буенча 11 гыйнварда билгеләп үтелә торган әлеге бөтендөнья бәйрәме интернетның рәсми бәйрәмнәре исемлегенә кертелгән. Аны ЮНЕСКО һәм Берләшкән Милләтләр Оешмасы вәкилләре юкка гына башка көннәр арасында “Иң  илтифатлы  көн” буларак билгеләмәгәннәр.

Чыннан да, телебездә “Рәхмәт”тән дә ешрак әйтелә торган абруйлы, дәрәҗәле сүз  юк. Аны әйтергә сәбәп чыккан  саен кабатлыйбыз. Әдәплелек әнә шулай  арзан тора, ләкин бик  кыйммәт бәяләнә  бездә. Бер  рәхмәт мең бәладән  коткарыр, диләр бит. Ул  сүзне  ишеткәч,  күңелләр күтәрелеп, җаннар рәхәтләнеп  китә. “Рәхмәт” ниндидер тылсымлы көчкә дә ия, ахры. Психологлар фикеренчә, рәхмәт сүзләре – игътибар билгеләре, алар телдән “сыйпау” булып тора һәм үзләренең җылылыгы белән күңелләрне күтәрергә сәләтле. Шулай ук рәхмәт сүзләренең тылсымлы үзенчәлекләре бар дигән фикер дә яшәп килә, тик аларны кеше ачулы вакытта әйтергә ярамый. Чөнки чиста йөрәктән чыкканы гына чын рәхмәт булып тора. Ә инде рәхмәтне ихлас әйтергә өйрәнәсең  килсә, үз гомерләрендә күпне  күргән авыл апаларын тыңларга кирәктер. Рәхмәтне өлкән яшьтәге татар хатыннары  кебек  ихластан, бар күңелен биреп, тәмен, табып, бөтен асыл мәгънәсен ачып, яхшылыкны алга таба гел  эшлисе килеп торырлык әйтә белүче  юктыр  ул. Нинди гамәлебез өчен булгандыр, әмма кечкенә чакта алардан ишеткән рәхмәт   сүзләре безне бер башка  үстерә торган иде. Кая инде  ул аннан соң нинди дә булса шуклык галәмәте  кыласы  килсен! Көчен кая куярга белмәгән яшь  тән ниндидер рәхәтлек дулкынында  кабат нинди булса  яхшылык  эшләргә генә омтыла. Менә нинди булган ул “Рәхмәт”нең тәрбияви   көче!

Кәче мәктәбе шугалагында 8 нче гыйнвар көнне "Барыбыз да бозга!" акциясе үткәрелде. Мәктәп укытучылары һәм барлык укучылары да актмв катнашты. Ир -ат укытучылар һәм әтиләр советы арасында "Рандеву - 2017" ярышы уздырылды. Кызлар һәм малайлар арасында тимераякта шуу буенча ярыш узды.

Каникул көннәрендә дә мәктәп тирәсе шау-гөр килеп торды. Укучыларыбыз шугалакта тимераякта шудылар.

6 нчы гыйнвар көнне укытучыларыбыз ОГЭ бирделәр.

Мәктәбебез укытучысы Зәйнуллин Хәйдәр Хәйруллович профсоюз членнары арасында үткәлергән шашка ярышында беренче урын алды. Аны әлеге җиңүе белән котлыйбыз һәм алдагы эшендә дә уңышлар телибез.