Укучылар лагерь сабантуена әзерләнә. Генераль репетиция авыл мәдәният йортында уза. Мәдәният йорты директоры Шәйдуллин Р. балаларга матур җырлар, биюләр өйрәтүдә үзеннән зур өлеш кертә.

Укучыларыбыз авыл җирлегендә урнашкан фельшер-акушерлык пунктына сәяхәт кылдылар. Фельдшер Калимуллина Г. укучыларны әлеге пунктта булган бүлмәләр , беренче ярдәм өчен җыелма белән таныштырды.Балалар үзләрен кызыксындырган сорауларга җавап алдылар.

Бүген лагерьга йөрүче укучыларыбыз чишмә тирәсен чүптән арындырдылар, чәчәклекләргә су сиптеләр.

Укучылар лагерь сабантуена флэшмоб әзерлиләр.

Лагерьның һәр көне файдалы һәм күңелле үтә. Бүген исә укучыларыбыз петанк һәм дартс буенча ярышларда катнашты.

Бүген укучыларыбыз сугышта һәлак булганнар истәлегенә куелган һәйкәл янын җыештырдылар, соңыннан сугыш еллары җырларын башкардылар.

Укучыларыбыз авылыбыз чишмәләрен һәрвакыт чистартып торалар. Чишмә яны  матур-матур чәчәкләргә күмелгән.

Бәйрәм буларак ул 1992 елдан бирле үткәрелә башлый. Чөнки ул елның 11 июнендә Россия Федерациясе Югары Советы тарафыннан “Россия Федерациясенең дәүләт суверенитеты турында Декларация кабул итү көне” карарына кул куела.

Рәсми рәвештә бәйрәм яңа исемен (“Россия көне”) 2002 елның 1 февралендә ала. Россиянең Хезмәт кодексы яңарганнан соң, Россия көне илебезнең барлык төбәкләрендә билгеләп үтелә башлый. Аны дәүләт тарафыннан игълан ителеп, ял итә торган иң яшь бәйрәмнәрнең берсе, дип әйтергә мөмкин.

Әлеге бәйрәм безнең "Тамчыкай" мәктәп яны лагерында да  билгеләп үтелде. Лагерь әйдаманы Магсумова Гөлнара Фердинат кызы бәйрәмнең килеп чыгуы белән таныштырды. Укучылар өйрәнгән шигырьләрен сөйләделәр, мәкальләрнең ахырын дәвам иттеләр, гимн җырладылар. Ак, зәңгәр, кызыл төстәге футболкалар киеп Россия флагын чагылдырдылар. Бәйрәм соңыннан күмәк биюләр оештырылды.

Нәрсә соң ул мода? Бу термин кешенең тормыштагы культурасы һәм стилен чагылдыра. Мода кешенең киемендә, көнкүреш предметларында, интерьерда, шулай ук әдәбият, архитектура һәм сәнгатьтә чагылырга мөмкин. Бүген укучыларыбыз да моданы үзләре аңлаганча җиткерделәр.

Бүген бадминтон буенча лагерь беренчелегенә ярышлар узды. Укучылар ярышта бик теләп катнаштылар. Күп көч куйганнан соң беренчелекне Гәләветдинова Гүзәл яулады. Аны җиңүе белән котлыйбыз , алдыгы ярышларда уңышлар телибез.