15 сентябрь - балаларның яраткан язучысы Абдулла Алишның туган көне! Без татар балалар әдәбиятына бик күп матур әкиятләр бүләк иткән талантлы язучыбызны искә алабыз. «Куян кызы», «Сертотмас үрдәк», «Чукмар белән Тукмар», «Нечкәбил» кебек әсәрләре аша Абдулла Алиш балаларны яхшылыкка, дуслыкка, хезмәт сөючәнлеккә, өлкәннәрне тыңларга һәм туган җирне яратырга өйрәтә. Абдулла Алишның якты исеме һәм бай иҗат мирасы мәңге яшәсен!

Балаларда юлда йөрү культурасы тәрбияләү максатыннан үткәрелгән чараларның әһәмияте бик зур. Мондый чараларны әзерләгән вакытта да, карап утырганда да балаларның кызыксынуы арта, өстәмә мәгълүмат алына. Бигрәк тә авыл җирендә – юл билгеләре, светофорлар булмаган урыннарда – балаларны шәһәр тормышына әзерләү зур игътибар сорый.

8 нче сентябрь көнне"Татарстан әкият көне" кысаларында мәктәпкә әзерлек төркемендә Тукай әкиятләре буйлап сәяхәт оештырылды.

Кадерле балалар, хөрмәтле әти-әниләр! Алда - иң көтелгән һәм яраткан җәйге каникуллар. Әмма каникулларда да куркынычсызлык турында кайгыртырга кирәк. Менә аларның берничәсе: 1.Янгын куркынычсызлыгы кагыйдәләрен төгәл үтәргә, шырпы белән уйнамаска. 2.Су коену кагыйдәләрен үтәргә. Өлкәннәрдән башка һәм тиешсез урыннарда су коенмаска. 3.Юлларда уйнамаска. 4.Агачларга, биек урыннарга менмәскә. 5.Куркыныч хәл килеп чыкканда, кичекмәстән өлкәннәргә хәбәр итәргә. Ашыгыч хезмәт номерларын яттан өйрәнергә. 6.Чит кешеләр белән аралашмаска, ияреп китмәскә. 7.Баш киемсез кояш астында йөрмәскә. 8.Яшен вакытында агач астында тормаска. 9.Таныш булмаган үсемлек орлыклары, җимешләрен җыймаска. 10.Электр приборлары белән сак булырга. Ялларыгыз күңелле узсын!