Безнең балалар бакчасында  мәктәпкә әзерлек  төркеме  балалары белән «Кышлаучы  кошлар»   темасына     фәнни-гамәли конференция  үткәрелде .  Балалар   конференциягә әзерлек барышында  кышлаучы  кошларның  үзенчәлекләре һәм аларның үз-үзләрен тотышлары турында күп кенә яңа  мәгълүмат  белделәр. Әлбәттә, әти-әниләр  дә  ярдәмгә  килде.  Әти-әниләр  белән хезмәттәшлек итү нәтиҗәсендә мәйданчыкта үз куллары белән ясалган оригиналь җимлекләр  барлыкка килде.  Конференция  вакытында балалар,  чын галимнәр кебек,  дусларына  туган ягыбызда кышлаучы    кошларның  төрләре, аларның тышкы кыяфәтләре, кошларны ничек кайгыртырга кирәклеге,   кошларны тукландыру кагыйдәләре  турында сөйләделәр,  үз  күзәтүләре, үз  тәҗрибәләре белән уртаклаштылар.  Конференция бик кызыклы  һәм мавыктыргыч булды!
     Мероприятиедә  «Ашыт» дәүләт табигый тыюлыгы хезмәткәрләре Әхмәтҗанов Р. З. һәм Абдрахманова Г. И. катнаштылар.