Кыш- балалар ярата торган иң күңелле вакыт. Нинди генә һава торышы булмасын, урамда алар табигатьне күзәтә, хәрәкәтле уеннар уйнап чыныга.Кышкы уеннар балаларның физик һәм акыл сәламәтлеген саклаү, сәламәт яшәү рәвешенә омтылыш тәрбияләү,спорт яратырга кызыксынучалыкны, мөстәкыйльлекне тәрбияләү; ихтыяр көче, сабырлык, кыюлык сыйфатлары тәрбияләү;балаларның үзләренә хас сыйфатлар булдыру омтылышын формалаштырүны дәвам итү;күңелебезне матур уйлар, сүзләр белән тәрбияләү, көндәлек тормышта уен вакытында башкаларга карата ягымлы мөгаләмә булдыру максатларын үтәргә ярдәм итә.  Шуларны истә тотып, безнең бакчада “Кышкы уеннар” темасы астында күңел ачу чарасы үткәрелде. Бу чара "Туган телем сагында" исемле акция кысаларында узды. Балалар белән уйнарга дип Шүрәле һәм Су анасы да килде. Алар биремнәр әзерләп килгәннәр. Мәктәпкә әзерлек төркеме балалары сынатмадылар, бөтен биремнәрне үтәделәр, әкият геройларын тагын кунакка чакырып калдылар.