Зурлар төркемендә  “Иҗади остаханә” проекты буенча  эш дәвам итә. Иҗади остаханәдә эшләү кызыклы, мавыктыргыч эшкә әйләнде. Әти- әниләр үткәргән мастер- класслар  балаларның  иҗади мөмкинлекләрен,    зәвык, хыял, иҗади фикерләү хисләрен үстерүгә   уңай йогынты ясыйлар.  Төрле эшләнмәләр   ясау балаларга   иҗади сәләтләрен генә  үстерүгә  түгел,  ә  аларның вак моторикасын  яхшыртырга  да ярдәм итә.  Бүгенге мастер- класста  Әмирнең һәм Эмильнең әниләре     картоннан, төсле кәгазьләрдән  пингвин формасында  карандашлар өчен  савыт ясарга  өйрәттеләр.  Балалар иҗат дөньясына чумды, Мондый матур савытларны  булдыру бер дә җиңелләрдән  булмады.  Балаларга үзләренең бөтен  түземлек һәм сабырлыкларын  тупларга туры килде. Нәтиҗәдә бик матур  карандашлар  салу өчен  пингвин- савытлар килеп чыкты!