Балалар тәрбияләүнең төп асылы -  балалар бакчасы белән гаиләнең  бердәмлегендә.   Тик хезмәттәшлек итеп, ярдәмләшеп эшләгәндә, балага бердәм таләпләр куелганда гына уңай нәтиҗәләргә ирешергә була.  Балалар бакчасы гаиләдән башка, ә гаилә балалар бакчасыннан башка яшь буынны тәрбияләү өлкәсендәге катлаулы бурычларны үти алмый. Шул максаттан чыгып зурлар төркемендә  әти- әниләр белән бергә “Иҗади остаханә” проекты  тормышка ашырыла.  Бу проектта  әти- әниләр бик актив катнашалар  һәм    балалар белән берсеннән- берсе кызыклырак мастер- класслар, шөгыльләр үткәрәләр. Чираттагы  остаханәдә Аглуллин Данирның әнисе балаларга  бик матур  Кар бабай  ясау серләрен  өйрәтте. 

Әти-әниләрнең балалар бакчасы эшчәнлегендә  менә шулай  катнашуы ике як өчен дә бик файдалы.  Балалар үзләренең әти-әниләре белән горурланалар һәм аларны  тагын да ныграк хөрмәт итә башлыйлар.