Бүген, 21 март көнне безнең балалар бакчасында  Нәүрүз бәйрәме узды.Бәйрәмгә әзерлек эшләре алдан башланды.Татар теленә өйрәтү буенча тәрбиячесе Зилә Айратовна белән Нәүрүзгә теләкләр,шигырьләр өйрәнсәләр,музыка җитәкчесе Йолдыз Илдусовна белән җырлар, биюләр өйрәнделәр.Төркем тәрбиячеләре белән балалар  яз турында мәкальләр өйрәнделәр, Халык уеннары уйнадылар,язгы йолаларны барладылар.19 март көнне мәктәпкә әзерлек төркеме балалары төркемнәргә йөреп ярма җыйдылар,Нәүрүзгә теләкләрен җиткерделәр, Халык уеннары уйнадылар. Мәктәпкә әзерлек төркеме балалары "Ни өчен чәперчек килмичә боз китми?"  дигән легенда белән таныштылар.Чәперчек - трясогузка дигән кош һәм легенда буенча шушы кош бозга кунып койрыгы белән бозга сукса елгаларда боз кузгала икән.Балалар өчен бу кош турында  мәгълүмәт яңалык булды.
Нәүрүз бәйрәме бакча каршындагы мәйданчыкта уздырылды, балалар җырладылар,шигырьләр сөйләделәр, халык уеннары уйнадылар.Бәйрәм ахырында  балалар, гадәттәгечә ,карга боткасы белән сыйландылар.Бәйрәм бик күңелле үтте.