Халык җырлары балалар күңелендә кече яшьтән үк тирән эз калдыра. Татар халкының сөекле шагыйре Г.Тукайның бөтен биографиясе моның ачык мисалы булып тора. Шагыйрь бала чактан ук халык җырларын бик ярата. Аларны бөтен нечкәлекләре белән аңлап сабый күңеленә сеңдерә, үзе дә җырларга ярата.Ул истәлекләрендә алты яшеннән үк халык җырларын башкаруын әйтә. Халык җырлары моңлы һәм озын көй булуларына карамастан, аларда халыкның шат күңеллеге тормышка гашыйк булулары, дәртле омтылышлары яңгырый.

Шушы көннәрдә районыбызда  мәктәп һәм мәктәпкәчә яшьтәге балалар арасында “Татар халык җырлары-милләтебезнең моңлы хәзинәсе” исемле бәйге уза. Бу бәйгедә безнең балалар бакчасында тәрбияләнүче Камилә дә катнаша. Ул “Сандугач-күгәрчен” татар халык җырын башкарды. Уңышлар телибез!