Зурлар төркеме балалары белән туган телгә кызыксыну уяту өстендә тирәнтен эшлибез. Чөнки кечкенәдән балаларга ике дәүләт телендә камил, матур сөйләшер өчен, бик күп белем бирергә кирәк. Моның өчен без төрле эшчәнлекләр алып барабыз: әвәләү, кисеп ябыштыру, рәсем ясау, картина аша сөйләм телен үстерү, төрле дидактик, җырлы-биюле уеннар һәм башка бик күп төрле шөгыльләр алып барыла. Татар милли бизәкләре белән кызыксынуларын арттыру өстендә эшләп, әти- әниләргә дә биремнәр кушып, күңелле эш башкарабыз.