10нчы октябрь көнне Арчаның беренче номерлы балалар бакчасында " Нәни Сөмбелә" районкүләм бәйгесе узды. Анда 27 кыз бала осталыкта көч сынашты. Безнең бакча данын 4 яшьлек Мәрдәнова Зилә яклады. Бәйгенең беренче турында  ул үзе белән таныштырды һәм көз айларын тасвирлап күрсәтте. Икенче турда аңа дуслары- Давлеткиров Кәрим, Хәсәнов Раяз, Сабирова Диләрә, Җиһаншин Исмаил ярдәм иттеләр. Быелгы елның халыклар бердәмлеге елы икәнен истә тотып, алар төрле милләт халыкларының тырыш хезмәте,уңыш бәйрәмен зурлап үткәрүләре турында сөйләделәр. Балаларның эчтәлекле чыгышы тамашачыларга бик ошады. Жюри алар эшенә иң югары бәя бирде-  Гран при белән бүләкләде. Кечкенә артистларыбызны,аларның тәрбиячеләрен, әти- әниләрен котлыйбыз.