Апрель аеның соңгы көннәрендә бакчабызның дус коллективы Казан шәһәрендә күңелле сәфәрдә булды. Бергәләшеп Г.Камал театры артистлары тарафыннан куелган " Бабайлар чуагы" комедиясен карадык. Илгиз Зәйниевнең бу спектакле күңелләребезгә хуш килде. Легендар артистлар елмаерга да, уйланырга да мәҗбүр иттеләр. Мондый сәфәрләр берләштерә, күңелләргә рухи азык бирә, ял иттерә. Алдагы елларда да безне шундый сәфәрләр көтеп торсын.