Күптән түгел Арча үзәк китапханәсендә " Салават күпередәй милли культуралар " бәйгесе булып узды. Бу бәйге 2 ай дәверендә барды.Бәйгедә төрле номинацияләр бар иде.Мәсәлән: “Милли киемдәге курчак”, “Культуралар хәзинәсе”, “Күп милләтле халык” һәм башкалар.Бу конкурста районның барлык балалар бакчалары һәм мәктәп укучылары катнашты.Аларның саны бихисап күп иде.”Милли киемле курчак” номинациясе конкурсына барлыгы 55 курчак кабул иткәннәр.Алар арасында төрле рәсемнәр, кул эшләре күп иде.

Безнең бакчадагы балалар һәм тәрбиячеләр бу конкурстан читтә калмады. Төрле төркемнән бик күп кул эшләре тапшырып, безнең бакча балалары " Салават күпередәй милли культуралар " район балалар иҗат конкурсы лауреаты дипломнары белән бүләкләнделәр.

Уртанчылар төркемендә тәрбияләнүче Мортазин Таир “Культуралар хәзинәсе” конкурсында “Рус халкы көнүреше-рус өе” кул эше ясап 4 яшьтән алып 4 нче сыйныф укучылары арасында 1 нче урын яулады.Афәрин! Шулай ук, “Милли киемдәге курчак” номинациясендә мәктәпкә хәзерлек төркеменнән Галиуллина Алисә 1 нче урынга һәм зурлар төркеменнән  Хамурзина Зәлия 3 нче урынга лаек булдылар. Котлыйбыз! Хөрмәтле әти-әниләрне мондый район конкурсларында катнашырга өндәп калабыз.