Бүген физика укытучысы С. Р. Шәйхетдинов "Физика-математика атналыгы" кысаларында 8 нче сыйныфта "Электр тогының эше һәм егәрлеге" темасына ачык дәрес күрсәтте. Дәрес бик эчтәлекле, оешкан рәвештә узды. Бар этаплары да  ФГОС таләпләренә туры килә, бик күп төрле эш төрләре кулланылды

Республикакүләм “Без бергә” балалар халык иҗаты фестиваль-конкурсының район этабы уздырылды.  Конкурсның максаты балаларның иҗади сәләтләрен генә үстерү түгел, ә халык авыз иҗатына, тарихи-мәдәни мирасыбызга хөрмәт тәрбияләү, балаларның бу өлкәдә белемнәрен арттыру иде. Фестивальнең номинацияләре дә күптөрле. Мәсәлән:  “Хореография” , “Театр сәнгате”, “Кул эшләре” кебек номинацияләрдә безнең мәктәп укучылары да актив катнашты.

Укучыларыбыз  район,республика күләмендә уздырылган бәйгеләрдә һәрдаим катнашып киләләр. Герой  шагыйрь  Муса Җәлилнең  иҗатына багышлап уздырылган “ Кызыл ромашка”  I нче Республика бәйгесенә катнашып , түбәндәге урыннарга лаек булдылар:

Ганиева Г , 2 дәрәҗә лауреат, “Нәфис сүз” номинациясе;

Ситдиков Раяз , 1 дәрәҗә лауреат , “Нәфис сүз” номинациясе;

Ситдиков Р , лауреат 2 степени , номинация “Художественное слово” ;

Мардегаллямова  А  , 3 дәрәҗә лауреат, “Вокал” номинациясе;

Фәхретдинова И , 2 дәрәҗә лауреат, “Вокал” номинациясе;

23 февраль — Ватанны саклаучылар көне – батырлык, намус hәм кыюлык көне . Ул - көч, түземлелек, мәрхәмәтлелек һәм туган җиреңә карата мәхәббәт бәйрәме.Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана.

  Мәктәптә бәйрәм көнгә багышланган  матур чаралар узды.  Әтиләр белән берлектә  “ Ягез әле, егетләр” конкурсында егетләр һәм  әтиләр төрле спорт ярышларында үзара көч сынашты. “Строевая песня” конкурсына һәр класс зур әзерлек белән килгән, алар матур чыгышлары белән куандырды.

  Сезне 23 февраль - Ватанны саклаучылар коне белән чын кунелдән тәбрик итәбез! Ныклы сәламәтлек, кунел көрлеге, әшегездә, укуыгызда зур уңышлар, шатлык - куанычлар, озын гомер телибез!

     Сез булганга имин булып ата таңнар,
    Тыныч-матур тормыш белән үтә айлар.
    Бәйрәмегез котлы булсын, ир-егетләр,
    Мәңге тыныч, имин торсын җирләр-күкләр

23 февраль - Ватанны саклаучылар көне уңаеннан мәктәбебездә 5-11 класслар арасында "Стройда йөрү" һәм "Ягез әле, егетләр" исеме астында ярышлар булып узды. Ярышларда егетләр үзләренең көчләрен һәм җитезлекләрен күрсәттеләр, әтиләр командасы белән көч сынаштылар.

      23 февраль — Ватанны саклаучылар коне – батырлык, намус hәм кыюлык көне белән ихластан котлыйбыз сезне. Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана. Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде.

Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез. Мөбәрак булсын бүгенге матур бәйрәмегез!

 Патриотическое воспитание подрастающего поколения всегда являлось одной из важнейших задач современной школы, ведь детство и юность – самая благодатная пора для привития священного чувства любви к Родине. В нашей школе прошел конкурс смотра строя и песни среди 5-11 классов, посвященный "Дню защитника Отечества". Все классы хорошо подготовились и выступили прекрасно. Затем прошел военно-спортивный праздник "А ну-ка, парни!". Юноши и отцы состязались по разным видам спорта. Поздравляем всех участников соревновании с наступающим "Днем защитника Отечества" и желаем крепкого здоровья и успехов в учебе!

21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оешты. Бүгенге көндә галимнәр Җир шарында 7 меңнән артык тел булуын әйтәләр. Һичшиксез, алар арасында миллиардлаган аралашучы һәм шул ук вакытта бер дистә кеше сөйләшә торган телләр дә бар. Хәзерге заманда күпчелегебез ким дигәндә 2-3 телне камил белә. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин туган тел ул бер генә. Безнең  туган телебез – татар теле.

21 февраль- Халыкара туган тел көне уңаеннан Акчишмә башлангыч мәктәбендә " Туган телем - иркә гөлем" исеме астында тәрбия сәгате үткәрелде. Укучылар туган тел турында мәкальләрне искә төшерделәр, табышмакларга җавап эзләделәр. Тәрбия сәгате Г.Тукайның "Туган тел" җыры белән тәмамланды.

16-19 нчы февраль көннәрендә рус теле һәм рус әдәбиятыннан республика олимпиадасының йомгаклау туры үтте. Мәктәбебезнең 7 нче сыйныф укучысы Солтанов И. – рус теленнән призер, 10 нчы сыйныф укучысы Фәхретдинова И. – рус әдәбиятыннан призер булдылар. Укучыларны һәм аларның укытучылары Фәхретдинова З.С. ны зур уңышлары белән котлыйбыз, киләчәктә дә яңадан-яңа җиңүләргә ирешүләрен телибез.

           Җырлыйбыз әтиләр хакында,

           Үсәбез аларның кулында

           Әтиләр кул куйса иңбашка

           Яктырак елмая кояш та.

     Бүген башлангыч класс укучылары  “Без әтиләр белән көчле!” дигән темага әтиләр өчен ачык чара үткәрделәр. Укучылар әтиләрен котлап шигырьләр сөйләделәр, җырлар җырладылар, үзләре ясаган бүләкләрен тапшырдылар. Бәйрәмнең икенче өлешендә әтиләр һәм малайлар командалары үзара көч сынаштылар. Төрле күңелле спорт уеннарында малайлар командасы җүңүче булды. Чара бик күңелле үтте.