Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 271 272 ( 273 ) 274 275 276 277 278 279 280 >>
-
Т.Миңнуллин истәлегенә багышланган укытучыларның һәм укучыларның II республика конференциясе
14.03.2015
12 март көнне 5-7 класс укучылары Казан шәһәренең Фатиха Аитова исемендәге татар телендә белем бирүче 12 нче гимназиясендә үткәрелгән , Т.Миңнуллин истәлегенә багышланган укытучыларның һәм укучыларның II республика конференциясендә катнаштылар. “Драматургия”.”Театр яктылыкка, нурга илтә!”.. номинациясендә Н.Дәүлинең Бөек Ватан сугышы чорын тасвирлаган “Дуслар” әсәреннән өзек сәхнәләштерделәр. Укучыларның чыгышларын Г.Камал һәм К.Тинчурин исемендәге театр артистлары бәяләде . Балаларның чыгышларын тамашачы һәм жюри әгъзалары җик җылы кабул итте ,көчле алкышларга күмделәр.
-
“70 еллыкка – 70 оя” акциясе дәвам итә.
13.03.2015
Мәктәбебездә “70 еллыкка – 70 оя” акциясе дәвам итә. Укучылар актив рәвештә акциягә катнашалар. Бигрәк тә башлангыч класс укучылары тырыш , алар алдынгылыкны бирми.
-
Әлифба бәйрәме
13.03.2015
“Әлифба бәйрәме” - иң истә калган тантаналы бәйрәмнәрнең берсе. Бүген бездә 1 нче сыйныф укучыларының Әлифба бәйрәме узды. Ул мәгънәле, мавыктыргыч, кызыклы итеп оештырылган иде. Күңелле чарага әти-әниләр, әби-бабайлар , укытучылар чакырылган . Укытучылары Люция Фәритовна балаларның иҗат эшләрен күргәзмә итеп оештырган . Мәктәптәге һәр көн , һәр вакыйга турында фотолар сөйли.
Әти-әниләр дә бәйрәмдә теләп катнаштылар.Балалар белән аларның чыгышлары үрелеп барды. Шигырь сөйләү,җыр-бию, төрле биремнәр үтәү, белемнәрне сынау ярышлары бәйрәмне тагын да күңелле итте.
Әйе, “Әлифба”дәреслегеннән белем иленә сәяхәт башлана.Әти-әниләр шуны кабат искә төшереп, изге теләкләр теләп, рәхмәтләр әйттеләр. Бәйрәм бик күңелле үтте.
-
Рәсем конкурсы
12.03.2015
Мәктәбебездә «Правнуки ветеранов рисуют Победу» дигән темага рәсем конкурсы уздырылды. 1-2 нче урынны алган эшләр районга җибәрелде.
-
“Арча балы”
12.03.2015
11 март көнне Арча мәдәният йортында фильмнарда гына күреп белгән, 18 нче гасырдагы балл кичәләрен хәтерләткән "Арча балы" кичәсе узды.Мәктәбебездән бу кичәдә 5 пар укучы катнашты һәм уңышлы чыгыш ясады.Алар "Сәхнә йолдызлары" номинациясенә лаек булдылар.
-
"Билгесез солдатка хат"
10.03.2015
10 март көнне Акчишмә башлангыч мәктәбендә Бөек Җиңүнең 70 еллыгы уңаеннан "Билгесез солдатка хат" исеме астында класс сәгате үткәрелде. Презентация буенча балаларга сугыш эпизодлары күрсәтелде, шигырьләр укылды, сугыш темасына укылган әсәрләр буенча фикер алышынды. Ахырдан укучылар билгесез солдат турында шигырь язып карадылар.
-
“Әткәй, әнкәй – пар канатым”
09.03.2015
7 март көнне Акчишмә башлангыч мәктәбендә “Әткәй, әнкәй – пар канатым” исеме астында әти-әниләр бәйрәме уздырылды. Бу кичәдә әти-әниләргә концерт номерлары күрсәтелде, балаларның әтиләренә багышлап чыгарган шигырьләре яңгырады. Балалар әти-әниләренә, әбиләренә кулдан ясалган бүләкләрен тапшырдылар. Уеннар вакытында әти-әниләрнең осталыклары сыналды. Кичә бик күңелле узды.
-
Күңелле старт уеннары
07.03.2015
7 март көнне башлангыч класс кызлары өчен Күңелле старт уеннары оештырылды. Алар “Очкын” һәм “Ялкын” командаларына бүленеп үзара көч сынаштылар. 1 очко өстенлек белән генә “Очкын” командасы җиңүче булды. Ярышлар бик мавыктыргыч һәм күңелле узды.
-
8 Март бәйрәме — Халыкара хатын-кызлар көне белән!
07.03.2015
Җиһанга Яз килде. Яз ул – җанында сөю гөлләре үстергән, назлы, иркә сүзләр йөрткән асыл хатын-кызлар бәйрәменнән башлана.
Сабыр һәм батыр йөрәкле, милләте, дине, газиз баласы өчен җанын да кызганмаучы изге зат ул – хатын-кыз.
Хөрмәтле, хатын-кызлар - әниләр, укытучы апалар, ветеран укытучылар, укучы кызларыбыз! Сезне 8 Март – Халыкара хатын- кызлар көне белән чын күңелдән тәбрик итәбез. Эшегездә, тормышыгызда, укуыгызда зур уңышлар, ак бәхетләр, нык сәламәтлек телибез.
Яз сулышы Сезгә муллык , күңелләрегезгә сабырлык , тәннәрегезгә саулык китерсен . Теләкләрегез тормышка ашсын , өстәлләрегез мул , көннәрегез ямьле булсын!
-
“ Һәйкәлләр ни сөйли”
06.03.2015
Бөек Җиңүнең 70 еллыгана карата 9 нчы сыйныфта( класс җитәкчесе Аухадиева М.Р.)
“ Һәйкәлләр ни сөйли” темасына тәрбия сәгате узды. Класс сәгатендә дәһшәтле сугыш истәлекләрен чагылдырган һәйкәлләр турында әңгәмә уздырылды. Мамай курганындагы Ватан- ана скульптурасы, фашизмга каршы көрәштә батырларча һәлак булган биш бертуган Куприяновлар һәм аларны тәрбияләгән ана истәлегенә мәһабәт монумент турында чыгышлар булды, алар слайдта яктыртылды.Хатынь-Белоруссиядәге һәйкәл-авыл. Бу авылның тарихы, мемориаль үзәктәге “ Буйсынмас кеше” нең бронза скульптурасы аеруча тетрәндерде.Авыллардагы һәйкәлләр тирәсен карап тору, сугыш ветераннарын,тыл хезмәтчәннәрен кайгыртып тору – безнең бурычыбыз.Әңгәмә әнә шундый чакыру белән тәмамланды.