Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 271 ( 272 ) 273 274 275 276 277 278 279 280 >>
-
Көрәш бәйгеләре дәвам итә.
21.03.2015
21 нче мартта Урта Курсада 2000-2001 нче елгы яшүсмерләр арасында көрәш бәйгесе булды. 17 мәктәптән килгән 71 яшь көрәшче 9 үлчәү авырлыгында көч сынашты.
Командалар арасында 1 нче урынны келәм хуҗалары – Урта Курса мәктәбе яулады,
2 нче урында –Шушмабаш урта мәктәбе, 3 нче урында – безнең Ашытбаш урта мәктәбе командасы (тренеры Галиуллин С.В.).
Егетләрне чын күңелдән җиңүләре белән котлыйбыз! Афәрин!
-
Шахмат буенча район ярышы.
20.03.2015
20 нче мартта мәктәбебездә АФ “Вамин Мәрҗәни “ призына шахмат ярышлары булып узды. Нәтиҗәләр түбәндәгечә :
- урта гомуми белем бирү мәктәпләре арасында:
1 урын – Иске Чуриле урта мәктәбе
2 урын – Арча укучылар сарае
3 урын – Г. Тукай исемендәге Ашытбаш урта мәктәбе.
-төп гомуми белем бирү мәктәпләре арасында:
1 урын –Яңа Кишет мәктәбе
2 урын-Ташкичү мәктәбе
3 урын – Кәче мәктәбе
Җиңүчеләрне чын күңелдән котлыйбыз!
-
"Илһам" бөтенроссия яшь язучылар бәйгесе
20.03.2015
Татарстан республикасы мәгариф һәм фән министрлыгы Татарстан Республикасы Язучылар берлеге, Казан (Идел буе) федераль университеты белән берлектә "Илһам" бөтенроссия яшь язучылар бәйгесен үткәрде. Әлеге бәйгедә катнашып безнең мәктәп укучысы Хисамиев Булат бәйге лауреаты исеменә лаек булды. Ул 15 нче апрельдә Казан шәһәрендә үтәчәк йомгаклау кичәсенә чакырылды. Эшләргә бәяне тәҗрибәле иҗатчылар, галимнәр, күренекле җәмәгать эшлеклеләреннән торган жюри бирде.
-
Су спорт төрләре буенча XVI дөнья чемпионаты
19.03.2015
Казанда су спорты дөнья чемпионаты узачак. Шушы уңайдан , 19 март көнне 5-8 нче классларда сыйныф сәгатьләре узды . Укучылар күп мәгълүмат алдылар, үзләрен кызыксындырган сорауларына җавап таптылар.
-
"Сугыш язган язмышлар..."
19.03.2015
19 март көнне Акчишмә башлангыч мәктәбендә Бөек Җиңүнең 70 еллыгы уңаеннан "Сугыш язган язмышлар..." исеме астында әдәби-музыкаль кичә үткәрелде. Кичәгә тыл ветераннары, сугыш чоры балалары чакырылды. Кичәдә китапханәчебез Мөхәммәтдинова Халидә апа да катнашты. Ул өлкәннәргә үзенең моңлы җырларын бүләк итте. Балалар шигырьләр, җырлар, биюләр аша өлкәннәргә рәхмәт сүзләрен җиткерделәр. Өлкәннәр балаларга үзләренең матур, изге теләкләрен әйттеләр.
-
Мәктәп газетасы ни сөйли
18.03.2015
Мәктәп газетасының чираттагы саны дөнья күрде . Башлангыч сыйныф укучылары тарафыннан чыгарылган газета Бөек Җиңүнең 70 еллыгына һәм патриотик тәрбия бирүгә корылган чараларга багышланган. Биредә укучылар иҗаты да киң урын алган. Матур фотолар мәктәп тормышын яктырта.
-
Коллектив килешүнең үтәлешен тикшерәбез
18.03.2015
Бүген мәктәп администрациясе һәм профсоюз комитеты арасында 2014-2016 еллар өчен Үзара Коллектив килешүнең өлешчә үтәлешен тикшерүгә багышланаган отчет җыелышы булды. Җыелышта мәктәп директоры Р.Р.Кавиева, профком рәисе Л.Ф.Ибрагимоваларның Коллектив килешүнең үтәлеше турында эчтәлекле чыгышлары тыңланды. Гомумән алганда, килешү пунктлары үтәлә. Профком эшчәнлегеә уңай бәя бирелде.
Җыелышта Ташкичү төп белем бирү мәктәбе профком рәисе Г.З.Фазуллина катнашты, җыелышның бик эшлекле үтүен белдерде.
-
Татар теленнән КФУ олимпиадасы нәтиҗәләре
16.03.2015
Казан федераль университеты тарафыннан 9- 11 класс укучылары өчен уздырылган олимпиаданың нәтиҗәләре билгеле булды. Олимпиадада беренче турда җиңеп чыккан 215 укучы катнашты. Татар теленнән үткәрелгән бәйгедә Татарстанның һәм Россиянең төрле төбәкләреннән килгән укучылар үзара көч сынашты. Аларның эшләре университет галимнәре тарафыннан тикшерелде һәм бәяләнде. Мәктәбебезнең 11 сыйныф укучысы Әүхәдиева Айсинәне 1 нче урын алуы белән чын күңелдән котлыйбыз. (Укытучысы Әүхәдиева М.Р.)
-
15 март - дөрес туклану көне
15.03.2015
15 март-Бөтендөнья дөрес туклану көне . Кеше яшәешенең мөһим факторларының берсе булганга күрә, туклану мәсьәләсенә дөнья күләмендә җитди игътибар бирелә. Ризык аша кеше организмы үсемлек һәм хайваннардагы барлык химик матдәләр белән тыгыз бәйләнешкә керә. Азыкның составы, үзенчәлеге, күләме кеше организмы үсешенә, физик ныклыгына, эшләү сәләтенә, авырулар килеп чыгышына, психик халәтенә йогынты ясый. Шуңа күрә яхшы туклану сәламәтлекнең нигезе дип атала. Организмның барлык мөһим функцияләре эшчәнлеге туклану белән бәйле. Бүген классларда узган тәрбия сәгатьләрендә нәкъ менә шул турыда сөйләшенде дә. Яшь үзенчәлекләреннән чыгып, һәр класста "Дөрес туклану-сәламәтлекнең нигезе" дип исемләнгән чаралар узды. Сәламәтлекне саклау, ныгыту- һәркемнең кулыннан килердәй эш. Сәламәтлек-безнең үз кулыбызда, аны саклыйк һәм дөрес тукланыйк!
-
Мәктәбебез укучылары Г.Камал исемендәге Татар дәүләт Академия театрында кунакта
14.03.2015
Т.Миңнуллин истәлегенә багышланган укытучыларның һәм укучыларның II республика конференциясендә катнашкан өчен укучыларыбыз Г.Камал театрына чакыру билетлары белән бүләкләнде. Спектакль алдыннан тамашачылар Бөек Ватан сугышы чорындагы театр тарихы, ветеран артистларыбыз тормышы белән таныштылар һәм З.Зәйнуллинның “41 нең арбалы хатыннары” спектаклен карадылар.