Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 211 212 213 214 215 216 217 218 ( 219 ) 220 >>
-
Тәҗрибә участогында.
06.07.2016
Тәҗрибә участогында эш план нигезендә алып барыла. Эш җәй буена тынып тормый. Балалар су сибәләр, чүп утыйлар, чәчәкләр, яшелчәләр үстерәләр. Мәктәбебездә орлык җитештерүгә зур игътибар бирелә. Бүген укучылар дежур укытучы Гыйззәтуллина Г.Х. җитәкчелегендә орлыклык кишерне бәйләделәр, түтәлләрен чүптән арындырдылар.
-
Бүген бездә зур бәйрәм.
01.07.2016
Мәктәбебез бакчасының түрендә балкып утыручы, заманча эшләнелгән , балаларны үзенә уенга дәшеп торучы спорт мәйданчыгына карап сокланмаган кеше юктыр.
Бүген мәктәбебездә күптән көтелгән вакыйга – спорт мәйданчыгын ачу тантанасы. Бу шатлыклы вакыйганы, мөгаен, балалардан да түземсезләнеп көткән кеше юктыр. Йөзләреннән бәхет очкыннары сибелә .
Бәйрәмебездә Арча районы башкарма комитеты җитәкчесенең социаль мәсьәләләр буенча урынбасары Рамил Илгиз улы Гарифҗанов катнашты, үзенең матур теләкләрен җиткерде.
Барыбызга да бик кирәкле , уңайлы , матур спорт мәйданчыгы бүләк иткән республика, район җитәкчелегенә олы рәхмәтебезне белдерәбез. Сезнең ышанычыгызны акларбыз, сау-сәламәт, илгә кирәкле егетләр һәм кызлар булып үсәрбез, спорт өлкәсендә дә зур уңышларга ирешербез.
-
Ел укучысы
26.06.2016
Арчада узган “Чыгарылыш кичәсе” балы Ашытбаш мәктәбе укучылары һәм укытучылары өчен аеруча истәлекле булды. Биредә медалистларны, олимпиадаларда җиңүче укучыларны һәм аларның укытучыларын котладылар. Сәхнәгә күтәрелүче җиңүчеләр арасында мәктәбебезнең 10 нчы сыйныф укучылары Сәлимҗанова Гөлинә, Сафина Гөлназ , аларны олимпиадага әзерләгән укытучылар Фәхретдинова З., Әүхәдиева М.Р. да бар иде.Тантанада шулай ук “Ел укучысын” да игълан иттеләр. Монысы иң дулкынландыргыч минутлар иде.”Ел укучысы” исеменә иң тырыш, күп бәйгеләрдә, олимпиадаларда зур җиңүләр яулаган мәктәбебезнең 10 нчы сыйныф укучысы Сәлимҗанова Гөлинә лаек булды. Гөлинәне зур уңышлары белән чын күңеләдән тәбрик итәбез,аңа алда да зур үрләр, җиңүләр, нык сәламәтлек телибез.
-
Мәктәп яны тәҗрибә участогында укучылар график нигезендә эшлиләр.
25.06.2016
Мәктәп яны тәҗрибә участогында укучылар график нигезендә эшлиләр. Практика үтүче балалар яшелчәләргә су сибәләр,чүп утыйлар, мәктәп территориясен чистарталар. Мул уңыш бирүче тәҗрибә участогыбыз – укучыларның һәм укытучыларның бердәм ,тырыш хезмәт нәтиҗәсе.
-
Чыгарылыш – 2016
25.06.2016
Мәктәп еллары - һәр кешенең тормышында иң истәлекле, иң кадерле, иң бәхетле еллар. Чыгарылыш сыйныф укучыларының мәктәп белән хушлашу, киләчәккә, олы дөньяга беренче адым ясаган көннәре булып истә калыр бүгенге көн.
Имтиханнар инде артта калды,
Җыелыштык соңгы бәйрәмгә.
Һәркем тоя үзен әзер итеп
Таулар, диңгезләрне кичәргә.
Еллар узгач, сагындырыр инде
Балачакның соңгы бәйрәме.
Еларгамы, көләргәме бүген-
Күңелләрнең иләс бер мәле.
25 июнь. Чыгарылыш кичәсе. Бәйрәмне мәктәп директоры Рәмизә Рәисовна ачып җибәрде, чыгарылыш сыйныф укучыларына иң изге теләкләрен җиткерде, өлгергәнлек турында аттестатлар тапшырды. Укучылар концерт номерлары аша мәктәп дирекциясенә, укытучыларга, хезмәткәрләргә, әти-әниләргә рәхмәт хисләрен белдерде. Директор урынбасарлары, сыйныф житәкчесе , укытучылар , балаларга хәерле юллар теләп, күңел түрендәге олы хисләрен җиткерде. Әти-әниләр шулай ук укытучы-тәрбиячеләргә рәхмәт белдереп, унышлар теләде. Бүген 8 укучыбыз олы тормыш юлына беренче адымнарын ясый. Аларга армый-талмый алга барырга, куйган максатларын тормышка ашырырга язсын дигән изге теләктә калабыз. Кая гына барсагыз да, кем генә булсагыз да, мәктәбебез горурлыклары булып калыгыз. Уңышлар сезгә!
-
“ Будь здоровым! Танцуй!”
23.06.2016
“Мөстәкыйль балалар” группасы сәламәт яшәү рәвеше пропагандалау максатыннан чираттагы акцияне уздырды. Акция кыссаларынды “ Будь здоровым! Танцуй!” исеме астында флеш-моб үткәрелде.Акция мәктәпнең спорт мәйданчыгында узды , анда 1-11 класс укучылары,укытучылар, авыл халкы катнашты. Акция ахырында тамашачыларга “Мөстәкыйль балалар” проекты турында мәгълүмат тупланган листовкалар тараттылар.
-
Сюрпризлар көне.
21.06.2016
Бүген 21 июнь лагерьның соңгы көне. Көн җылы, кояшлы, аяз, матур. Лагерьның бүгенге көне дә көндәгечә зарядкадан башланып китте, линейкада балалар көн тәртибе белән таныштылар . Линейкадан соң төрле уеннар уйнадылар., флеш-моб биеделэр. Ә иртәнге аштан сон балалар өчен кызыклы һәм күңелле сабантуй бәйрәме оештырылды. Барлык төр уеннарда чүлмәк вату, кашык белән су ташу, капчыкта сикереп йөгерү, бүләк кисү һәм башка кызыклы уеннарда балалар бик теләп катнаштылар, бик күп истәлекле бүләкләр, сюрпризлар алдылар. Төшке аштан соң лагерьда узган көннәргә йомгак ясалды һэм балалар матур теләкләр теләп лагерь белән саубуллаштылар.
-
“Беркем дә, берни дә онытылмый”
20.06.2016
Бүген лагерьда көнебез “Беркем дә, берни дә онытылмый” девизы астында узды. Бөек Ватан сугышында һәлак булган авылдашларыбызны искә алдык. “ Бөек Җиңү җиңел бирелмәде” дигән темага әңгәмә үткәрдек һәм музейда булган “ Сугыш чоры” альбомнарына күзәтү ясадык.Төшке аштан соң саф һавада хәрәкәтле уеннар уйнадык.
-
Су көне.
19.06.2016
2016 ел – “ Су саклау зоналары” елы. Шул уңайдан лагерьда “ Нептун бәйрәме” уздырылды. Бәйрәмнән соң “ Су - безнең байлыгыбыз” дигән темада әңгәмә үткәрелде. Төшке аштан соң “ Әфлисун дискәтүге” тематик дискотека уздырылды . Дискотекадан соң балалар өстәл уеннары уйнадылар.
-
“ Җиребез – туган йортыбыз”
18.06.2016
Бүген иртәдән яңгыр яуса да лагерьда көнебез күңелле һәм файдалы узды. Иртәнге аштан соң флеш-моб өйрәндек, “ Җиребез – туган йортыбыз” дигән темада эңгәмә үткәрдек. Төшке аштан соң “Җәйнең матур чәчәкләре” рәсем бәйгесе уздырдык . Россия киносы елы уңаеннан Татарстан Мәгариф һәм фән министрлыгы заказы буенча эзерләнгән “ Ирҗан” мультипликацион фильмын карадык.