“ Китап алдым кулыма, нур сибелде юлыма!”дип аталган күргәзмә  «Таттелеком» акционерлык җәмгыяте генераль директоры якташыбыз  Шәфигуллин Лотфулла Нурислам улы бүләк иткән китаплардан төзелде.

     7 ноябрь көнне 8-11 нче сыйныф укучылары профориентация буенча  Казаннан килгән социаль хезмәткәрләр  белән очраштылар.Төрле һөнәрләр, уку йортлары турында мәгълүмат алдылар. Фильм карадылар, фикер алыштылар, тест эшләделәр.

Каникул вакытында мәктәп  һәм авыл китапханәсендә укучылар өчен торле кызыклы чаралар уздырылды, күргәзмәләр  ясалды. Укучылар матур әдәбият белән танышып  тордылар.

     3 ноябрьдә 9 класс укучыларына математикадан имтиханга әзерлек буенча консультация булды. Укучылар белән И.В.Ященко редакциясендәге  җыентык буенча индивидуаль эш башкарылды.

      Көзге каникуллар башланса да мәктәптә эш гөрли. Бүген 11 нче сыйныф укучылары рус теленнән имтиханнарга әзерләнүләрен дәвам иттеләр.

Тиздән фән олимпиадаларының муниципаль этаплары башлана. Сәләтле балалар белән эш каникул вакытында да дәвам итә.

      30 нчы октябрь көнне район бадминтон ярышында безнең мәктәп командасы 2 нче урын яулады. Җиңүчеләрне чын күңелдән котлыйбыз, нык сәламәтлек, киләчәктә дә зур уңышлар телибез!

30 октябрь көнне 9 класс укучылары математикадан пробный ОГЭ эшләделәр. Эш вариантлары 2018 елгы демовариантка туры китереп, һәр укучыга җитәрлек итеп төзелгән иде. Укучыларның һәркайсына белешмә материаллар өләшенде, барысы да  мөтәкыйль эшләделәр.