Өчиле мәктәбендә Г. Тукай энциклопедиясен тәкъдир итү кичәсе узды. Ул — татар телендә эшләнгән беренче персональ энциклопедия. Кичәдә энциклопедияне төзүдә катнашкан Г.Ибраһимов исемендәге тел , әдәбият һәм сәнгать институты галимнәре катнашты. Проект киң катлау укучыларга юнәлдерлегән. Ул шагыйрь яшәгән һәм иҗат иткән чорны, аның тирәлеген һәм әсәрләрен аңлауда булышлык итәрлек күп төрле ачышларны һәм фикер-күзәтүләрне бергә туплаган фундаменталь хезмәт. Галимнәр укучыларны,укытучыларны энциклопедияне чыгару  тарихы, бүлекләре, мәкаләләр белән таныштырдылар.Тамашачыларны кызыксындырган сорауларга җаваплар бирделәр. Кичәдә безнең мәктәп укучылары да катнашты. Очрашу  күңелләрдә җылы, матур хатирәләр  калдырды.