29 нчы май көнне  башлангыч сыйныф укучылары  Кырлай музей комплексында сәяхәттә булдылар.  Укучылар Кәҗә белән Сарыкка ияреп урманга киттеләр һәм бүреләр янына килеп чыктылар. Шүрәле белән очрашып, аның биремнәрен үтәү дә укучылар өчен бик кызыклы булды.  Ә су буенда аларны Су анасы көтеп утыра иде. Укучылар әкият геройлары белән очрашканнан соң музейда Г.Тукайның тормышы һәм иҗат юлы белән тирәнрәк таныштылар, үзләре кызыксынган сорауларга җавап та  таптылар.

26 май көнне 7 класс укучылары Хотня авылына походка бардылар. Андагы истәлекле урыннарны тагын бер тапкыр йөреп чыктылар. Петр һәм Павел чикәвендәге музейны карадылар. Изге чишмә суыннан  пешерелгән поход ашы һәм чәй бик тәмле булды.

  Иң истә калганы – велосипедларда  бару һәм кайту булды. Өйгә кайтып җиткәндә барыбыз да арган, талчыккан, ләкин бик канәгать идек.

Әйе,бүген бөтен ил буенча, барлык уку йортларында «Соңгы кыңгырау» бәйрәмнәре уза. Чыгарылыш сыйныф укучылары өчен дәрескә чакыручы кыңгырау соңгы тапкыр чыңлый. Мәктәптә үткән балачагыгызның бүтән беркайчан да кире кайтмавын уйлагач, ямансу булып китә.Тормышта һәр нәрсәнең үз вакыты була. Сезнең дә язмышыгызда зур борылышлар чоры җитте. Яшьлекнең чын-чынлап башланган иң матур чагы да әле ул. Шуның кадерен белегез һәм алда көткән зур тормышны матур итеп башларга тырышыгыз! Канатлы теләкләрегез сезне һәрчак алга әйдәп торсын, тагын да кыюрак атларга чакырсын! Хәерле юл сезгә

20 мая участники антинаркотического проекта «SаМоSтоятельные дети»  организовали и провели акцию «Россия без табака! ".

Мәктәбебез республикакүләм “Сто зеленых уголков” конкурсында җиңү яулады һәм агач-куак үсентеләре белән бүләкләнде.  Үсентеләрне  мәктәп бакчасына утырттык, киләчәктә алар тирә-юньгә ямь биреп, җиңүебез символы булып  шаулап утырырлар

Бүген  үткәннәрнең якты хатирәсе булып күңелдә калган пионер оешмасы төзелүгә 95 яшь тулды. Бөтенсоюз пионер оешмасы балаларны Ватанга һәм туган халкына тугры булырга,  олыларны хөрмәт итәргә, кечкенәләргә булышырга өйрәтте.

Моннан 27 еллар элек 19 май Пионерия көне буларак билгеләп үтелә иде. Бу көнне урман-кырларга чыгып, пионер учаклары ягылды, дружина сборлары үткәрелде. Мәктәп балалары өчен генә түгел, зурлар өчен дә чын бәйрәм була иде бу көн. Ул бәйрәм балаларның тормышына бер ямь, жылылык кертте, бердәмлек һәм дуслык хисе уятып торды...

  Мәктәбебездә  әлеге дата зурлап  уздырылды. Бәйрәмгә  октябрят,пионер,комсомол сафларында тәрбияләнгән, хезмәт юлларын шушы эшчәнлек белән бәйләгән,күп еллар пионервожатый  булып эшләгән  ветеран укытучыларыбыз килде.   Бәйрәмне без дә "учак янында" үткәрдек. Учакның беренче ялкыны "Тарих эзләре буйлап" , икенче ялкыны “Пионервожатый истәлекләре”, өченче ялкыны “Варисларда кунакта “дип аталды. Укучыларыбыз пионерия тарихы, аның узган юлы белән таныштылар ,пионер җырларын искә төшерделәр, ветераннарыбыз үзләренең истәлекләрен сөйләделәр.

  4 класс укучылары өчен бу көн аеруча истә калыр дип ышанабыз, алар мәктәбебезнең яшь варислары булдылар