Бүген безнең бакчага "Әтиләр советы" әгъзалары җыелды.Әтиләр безнең балалар бакчасына район башлыгы Заһидуллин Р.Н.тарафыннан бүләк ителгән "уен мәйданчыгы"н куярга булыштылар.Балалар бакчасы администрациясе район башлыгына һәм әтиләргә олы рәхмәтен җиткерә.

       Бүген безнең балалар бакчасында "Уңыш бәйрәме" булып узды.Балалар бу бәйрәмгә тәрбияче Алсу апалары белән әзерләгән рус халык әкияте "Шалкан"ны сәхнәләштереп уйнап күрсәттеләр.Шулай ук көз турында өйрәнгән шигырьләрен сөйләделәр, "яшелчәләр"биюен  биеделәр, көз турында җыр җырладылар.Бәйрәм кичәсен ата-аналар һәм башлангыч сыйныф укучылары карадылар.

Бүген безнең балаларны "Укытучылар көненә" куелган кичәгә чакырдылар.Балалар абый-апалары куйган концерт номерларын яратып карадылар.

   Безнең бакчабызда тәрбияләнүче кызыбыз Гәрәева Я. иҗади эшләр конкурсында 1 урын алды.

 Безнең бакчада "Уңыш бәйрәменә" әзерлек бара.Балалар Алсу апалары җитәкчелегендә биергә өйрәнәләр, шигырьләрен кабатлыйлар, "Шалкан әкиятенә" куелачак инсценировканы кабатлыйлар.

 Балалар бакчага яратып йөриләр.Режим моментында үзләре төрле уеннар уйнарга яраталар.Тәрбияче Алсу апалары  уен барышында балаларны күзәтеп, өйрәтеп тора.Алар белән бергә төрле рольләргә кереп уйный.Менә хәзер "поездга" утырып ерак сәфәргә киттеләр.

  Бүген безнең балалар бакчасында Сабантуй бәйрәме булды.Балалар үзара ярыштылар: капчык киеп чаптылар,үзләре теләгән уенчыкларны кистеләр,чүлмәк ваттылар.Бу бәйрәмнән балалар бик канәгать булдылар,шатландылар.

   Без бакчада тик утырмадык : легодан күп нәрсә  ясадык .Ә менә бүген вертолёт , ракета һәм кран ясап куйдык.