Без дә "Минем әтием һәм туганнарым" акциясендә катнаштык.Балалар үзләренең әти, дәү әти, абыйларының фотоларын бик теләп шатланып алып килделәр.Алар әти-абыйлары турында горурланып сөйләделәр.

    Балалар тәрбияче Алсу апалары белән бергә әтиләренә бүләккә, картон-кәгазьдән кисеп, кораб  аппликациясе ясадылар.

  Уртанчылар һәм мәктәпкә әзерлек төркеме балалары  шөгыльдән тыш вакытта шахмат уенын да яратып уйныйлар. 

  Бүген без  балалар белән мәктәпкә "Саубул, Әлифба!" ,- дип исемләнгән кичәгә концерт карарга кердек. Безнең иптәшләребез-1нче сыйныф укучыларының чыгышын карадык. Алар бик матур җырладылар,шигырьләр сөйләделәр, биеделәр, табышмаклар әйттеләр.Кичә бик күңелле булды!

  Бүген Муса Җәлилнең туган көне уңаеннан, тәрбияче Алсу апабыз безгә шагыйрьнең тормыш юлы турында сөйләде. Аның балалар өчен язган шигырьләрен укыды, җырларын тыңладык.

  Балалар аппликация белән шөгыльләнергә бик яраталар.Алар тәрбияче апалары җитәкчелегендә кайчы белән кисәргә, кискәнне ябыштырырга бик теләп өйрәнәләр.

 Без дә балалар бакчасында ФГОС таләпләренә туры китереп бизиборд ясадык.Балалар бу тактадагы тәрле әйберләр белән яратып уйныйлар.Әйләнә-тирәдәге аларны кызыктыра торган предметларны танып беләләр,  төрле вак әйберләр белән эшләп кул моторикасын камилләштерәләр.

  Безнең балалар бакчасында да "Дуслык гирляндасы" дигән акция булып узды. Балалар бик теләп бу чарада катнаштылар: фигураларны кистеләр, исемнәрен,теләкләрен яздылар.Гирлянданы коридорга элеп куйдык

  Бүген балалар белән тау шуарга бардык.Балалар шатланып таудан шудылар.Алар бу кечкенә генә сәяхәттән бик күңелләре булып кайтты.