ЭкоЯз-2019 кысаларында мәктәбебез укучылары һәм укытучылар коллективы   мәктәп бакчасын һәм ишегалдын чүп-чардан чистарттылар.

Бүген мәктәптә "Хуш киләсез, кошкайлар !" атналыгына нәтиҗә ясалды.Мәктәп китапханәчесе Насыйбуллина Г.С. 3-6 сыйныф укучылары белән "Хуш киләсез , кошкайлар!" дигән интеллектуаль уен үткәрде.Уенда "Күгәрчен" һәм "Сыерчык" командалары көч сынашты.Әлеге чарада укучылар үзләренең белемнәрен һәм сәләтләрен төрле яклап күрсәттеләр: кошлар турында табышмаклар әйтештеләр, җырлар да җырладылар, сәнгатьле итеп шигырь дә сөйләделәр, кызыклы сорауларга җаваплар эзләделәр. Ярышта "Күгәрчен" командасы җиңүче дип табылды.Атналыкта катнашучы һәр укучыга да кечкенә бүләкләр тапшырылды.

ТАССР оешуга  100 ел тулу уңаенннан мәктәп китапханәчесе Насыйбуллина Г.С.6 һәм  8 сыйныф укучылары белән китапханә дәресе үткәрде.Ул укучыларга ТАССР ның тарихы, дәүләт символлары тарихы турында сөйләде.Укучылар кызыклы һәм эчтәлекле видеоролик белән таныштылар, Болгар дәүләт тарих, архитектура музей тыюлыгына виртуаль экскурсия ясадылар. 

Бүген мәктәптә  кошлар көненә багышланган "Кошлар-безнең дусларыбыз" дигән экологик конференция үтте.Әлеге чарада  Орнитологлар (8-9 сыйныф укучылары )  1-7 сыйныф укучыларын кошлар көнен билгеләп үтү тарихы, туган ягыбыз кошлары турында бик кирәкле һәм кызыклы материаллар белән таныштырдылар. Конференцияне оештыручы мәктәп китапханәчесе Г.С.Насыйбуллина укучыларга  "Хуш киләсез, канатлы дусларыбыз!" дигән видеоролик  тәкъдим   итте.Әлеге чара укучылар өчен бик кызыклы, эчтәлекле һәм бик тә файдалы булды.

Бүген мәктәптә "Хуш киләсез, кошкайлар !" дигән  атналык башланды.

Буген "ФГОС ны тормышка ашыру шартларында өй эшләре : характеры, формалары,күләме, дифференциальлеге. Укучыларга артык куп өй эшләре бирүне булдырмау" исеме астында чираттагы педсовет утырышы булды. Әлеге тема буенча рус теле укытучысы Гизатуллина Л. А. чыгыш ясады. Шулай ук  мәктәпнең уку эшләре буенча директор урынбасары Фатхуллина Миләүшә Фаиз кызы  электрон журналда өй әшләрен дорес тутыру буенча мәсьәләләргә ачыклык кертте, анализ ясады, тиешле күрсәтмәләр бирде. Педсоветта шулай ук 3 чиректә укучыларның өлгереше,тәртибе, дәрескә йөреше йомгаклары белән таныштыылып, ,4 чиреккә бурычлар куелды. 2019 елда  ОГЭ үткәрү  вакытлары һәм  ОГЭ, дәүләт йомгаклау аттестациясен үткәрү системасындагы яңалыклар белән таныштырылды. 

Бүген мәктәптә  башлангыч сыйныф укытучысы Вәлиева Г. С. җитәкчелегендә  1-4 сыйныф укучылары белән   "Бәхетле очрак"  уены үткәрелде. Укучылар командаларга бүленеп фәннәр буенча төрле кызыклы сорауларга җавап эзләделәр. Уен бик күңелле һәм файдалы булды. Башлангыч сыйныфлар атналыгына нәтиҗә ясалды. Актив катнашучылар, җиңүчеләр, призерлар кызыксындыру призлары белән бүләкләнделәр. 

Башлангыч сыйныфлар атналыгы кысаларында  укытучы  Вәлиева  Г. С. җитәкчелегендә  1-4  сыйныф укучылары  арасында укучыларның рәсем ясау осталыкларын үстерү максатыннан  укылган әсәрләр һәм әкиятләргә карата    рәсемнәр конкурсы үткәрелде.  Укучылар тырышып рәсемнәр ясадылар. Атналык ахырында конкурска нәтиҗә ясалачак. 

Башлангыч сыйныфлар атналыгы дәвам итә. Башлангыч сыйныф укытучысы Вәлиева Г. С. 1,2.3.4 сыйныф укучылары арасында матур язу күнекмәләрен тикшерү һәм каллиграфик язуга уңай караш тәрбияләү максатыннан матур язу конкурсы үткәрде. Укучылар тырышып татар телендә хикәяләр  яздылар һәм эшләрен күргәзмзгә куйдылар.