Хөрмәтле хатын-кызлар -әбиләр, әниләр, апалар, сеңелләр!!! Сезне чын күңелебездән язның беренче бәйрәме белән тәбрик итәбез. Сезгә тазалык, тынычлык, сәламәтлек телибез. Күк йөзегез һәрвакыт аяз булсын, уйлаган уйларыгыз, теләгән теләкләрегез һәрвакыт тормышка ашсын.

Бүген 6-7 сыйныф кызлары “Ягез әле кызлар!” конкурсында катнаштылар. Алар төрле өлкәдә көч сынаштылар: оста хуҗабикә, кунак каршы алу, бишек җырлары, тапкырлыкта- җитезлектә үзләрен сынап карадылар. Командаларның исемнәре дә күңелгә ятып тора “Елмаю” һәм “Девчонки”. Молодцы кызларыбыз! Алдагы конкурсларда да уңышлар сезгә!

28 февраля 2014г. в Институте международных отношений, истории и востоковедения Казанского (Приволжского) университета прошёл I Республиканский лингвистический форум «Bridging Languages and Cultures» («Объединяя языки и культуры»). Наши ученицы 10 класса Чапчакова Венера и Сибатова Румия (Руководитель Баязитова Э.А.) участвовали в этом форуме и получили сертификаты.

Бүген 28 нче февраль  көнне 2 нче һәм 3 нче  сыйныф укучыларын эзтабарга алу тантанасы булып үтте. Укучылар башта эзтабарларга хас сыйфатларны, кагыйдәләрне өйрәнделәр, шигырьләр  сөйләделәр. Укучыларны сынап караганнан соң, аларга эзтабар тамгалары тактылар.  Укучыларыбыз иптәшләре алдында,  үрнәк эзтабар булырга, аның кагыйдәләрен үтәргә сүз бирделәр. Без дә, аларга  киләчәктә алдынгы укучылар  булып, мәктәп  исеменә тап төшерми  алга атлауларын теләп калабыз.

Бүген мәктәбебездә патриотик җырлар бәйгесе узды. Патриотик рухтагы җырларны искә төшерү, башкару осталыгын камилләштерү, бердәмлек, туган илгә мәхәббәт тәрбияләү максаты белән үткәрелгән әлеге чарада барлык класслар да катнашты.  "Катюша", "Орленок", "Три танкиста", "Солдатлар"җырлары яңгырады. Бәйге барышында башкару осталыгы, музыкаль бизәлеш, укучыларның сәхнәдә үз-үзләрен тотулары, киемнәр бәяләнде. Бөек Ватан сугышы елларында солдатларны Җиңүгә рухландырган бу җырлар беркайчан да онытылмасын иде.

Алексеевск муниципаль районы башлыгы ир – егетләр арасында хоккей ярышлары оештырды. Бу командада безнең мәктәп укучылары да катнашты. Алар арасында: Ахметов Ә. (7 сыйныф), Ситдиков Д. (7 сыйныф), Валиев Ф. (7 сыйныф), Валиев Р. (9 сыйныф), Зарипов Р. (9 сыйныф-капкачы), Буранов Р. (9 сыйныф-капитан), Галиев И. (10 сыйныф), Файзуллин С. (10 сыйныф)- җитәкчеләре Заббаров И. А.. Егетләребез II урынны яулап кубокка ия булдылар һәм аларга район башлыгыннан, колхоз идарәсеннән премияләр тапшырылды.

Бүген мәктәптә Ватанны саклаучылар көненә багышланган чара булды. “Ватан” исемендәге хәрби – патриотик клуб җитәкчесе Валеев Г.М. улы җитәкчелегендә оештырылган чаралар укучыларда тирән эз калдырды. Чара берничә этаптан торды:

1)      “Солдатта булган диләр” темасы астынды сыйныф сәгатьләре

2)      Өйрәтү тревогасы.

3)      Спорт залда “Кызыллар” һәм “Яшелләр” арасында ярышлар.

4)      Волейбол уены.

21 нче февраль көнне район мәдәният йортында VIII сәләтле яшьләр фестивале булып узды. Безнең мәктәптән дә бу фестивльдә 4 укучы катнашты: Сибатова Румия – 10 сыйныф (җитәкчесе Шайхутдинов Б.Г.),  Чапчакова Венера – 10 сыйныф(җитәкчесе Зарипова Л.Р.), Ахметова Айсылу – 10 сыйныф  (җитәкчесе Мухаметзянова Г.А.), Валиуллин Ф.Ф. – 11 сыйныф (җитәкчесе Тухфиев М.Х.).

Бүген мәктәптә “Пар аккошлар” дигән бәйге үткәрелде. Бу бәйгедә 8 -11 сыйныф  егетләре һәм кызлары көч сынашты. Программаны Илзирә һәм Фәнис бик күңелле итеп алып бардылар. Укучылар үзләрен төрле өлкәдә  сынап карадылар ( егетләргә сөю алмасы ашату, портрет ясау, шарларга матур сүзләр язу, мине таны  һ.б.). Бәйге бик күңелле һәм мавыктыргыч узды.