Электронное образование Республики Татарстан

Баязитов Рәсил  Рафаил  улы 1977 нче елның  12 нче февралендә дөньяга килә.  1994 нче елда мәктәпне  тәмамлагач, Чаллы педагогия институтына  география факультетына укырга керә. Укуны уңышлы тәмамлап, Урта Тигәнәле мәктәбенә география фәне укытучысы булып эшкә кайта.  Рәсил Рафаил улы эшен бик ярата, дәресләрен кызыклы, мавыктыргыч, проблемалы итеп уздыра. Ул туган якның  матурлыгын күрә белергә, туган якның  табигатен яратырга, сакларга өйрәтә. 
Район, республика, региональ күләмдәге фәнни-гамәли конференцияләрдә, төрле интеллектуаль бәйгеләрдә, олимпиадаларда укучылары нәтиҗәле чыгыш ясыйлар.  География укытучыларының район күләмендә оештырылган һөнәри осталык бәйгесендә Рәсил  Рафаил  улы 2 нче урын яулый. Эшенең нәтиҗәсе буларак Рәсил  Рафаил улы 2005 нче елда  район мәгариф бүлеге грамотасы белән бүләкләнә.

Галиева Резедә Җитәкче кызы 1970 нче елда Алексеевск районы Урта Тигәнәле авылында туа. 1977 нче елда 1 нче сыйныфка укырга керә. 1987 нче елда мәктәпне тәмамлый һәм Чистай педагогия училищесына укырга керә. 1989 нчы елда укуын тәмамлап туган авылы балалар бакчасына тәрбияче булып эшкә кайта.
Шул ук елны, уку елы башлангач, Урта Тигәнәле мәктәбенә физкультура укытучысы итеп эшкә кабул итеп алалар. Бүгенге көндә мәктәптә технология, музыка дәресләрен алып бара. Китапханәче хезмәтен дә башкара.
Эш барышында төрле вазыйфаларны башкарырга туры килә.