Сәламәт һәм куркынычсыз яшәү рәвешен пропагандалау, укучыларның үз-үзен тотышына бәйле профилактика буенча уздырылган "Сәламәтлек - тормыш стиле" бәйгесендә"  "күрсәтмә өләшү материалы - буклет" номинациясендә 8-12 яшьлекләр арасында 7 нче сыйныф укучысы Фазлыкв Альмир лаеклы 3 урынга лаек булды.

28 нче  октябрь көнне, Уразай төп гомум белем бирү мәктәбендә, 4 ноябрь - Халыкара Бердәмлек көненә багышланган ачык дәрес үтте. Дәресне тәрбия эшләре буенча директор урынбасары Басыйрова Р.Р.  әзерләде һәм алып барды, 7 нче сыйныф укучылары тарафыннан чыгышлар яңгырады. Чара бик эчтәлекле һәм җанлы үтте. 

26 нчы октябрь көнне районыбыз укучылары арасында шахмат ярышы узды. Безнең мәктәп данын яклап, Шәрипова Ләйлә, Фазлыев Алмир, Саматов Илназ чыгыш ясадылар. Саматов Илназ мактаулы 3 урынга лаек булды. Илназны җиңүе белән котлыйбыз, алга таба да зур уңышлар телибез!!!

II Халыкара “Җәлил укулары” әдәби бәйгесенең район этабының нәтиҗәләре билгеле булды: "М.Җәлил рус телендә" номинациясендә чыгыш ясаган 9 нчы сыйныф укучысы Шайдавлетова Язилә 3 урынга лаек булды. Язиләне чын күңелдән җиңүе белән котлыйбыз, алга таба да иҗади уңышлар телибез!!!

"Җәлил укулары" II Халыкара әдәби бәйгесенең район этабы узды. Безнең мәктәптән Шәрипова Л. "М.Җәлил татар телендә" номинациясендә "Мескенлектә" шигырен, "М.Җәлил рус телендә" номинациясендә Шайдавлетова Я. "Воля", Гиздатуллина И. "Дуб", "М.Җәлил дөнья халыклары телләрендә" номинациясендә Шарипова Л. "A dream in prison" шигырьләрен сөйләделәр. Укучылар уңышлы чыгыш ясап кайттылар. Нәтиҗәләрне кызлар уңаенда булыр дигән өметтә калабыз.

23 октябрь көнне Чакмагушта башлангыч сыйныф укытучылары өчен «Деятельность образовательных учреждений с. Чекмагуш в режиме реализации национального проекта «Современная школа» темасы астында семинар-практикум узды. Безнең мәктәптән 1 сыйныф укытучысы - Салахова Сөрия Рөстәм кызы, 2,4 нче сыйныф укытучысы Муллахметова Альфира Флүр кызы катнашты.

Яшь буынның сәламәтлеген ныгыту бүгенге көндә иң мөһим факторларның берсе. 23 нче октябрь көнне Уразай авылы мәдәният йортында авыл советы һәм мәдәният хезмәткәрләре тарафыннан "Спорт зарарлы гадәтләргә каршы" исеме астында, сәламәт яшәү рәвешен пропагандалау йөзеннән, мәктәп укучылары белән берлектә, бик күңелле чара узды. Укучылар шахмат, теннис, аэрохоккей спорт төрләре буенча үзара ярыштылар. Ярыш бик "кызу"  барды. Чара ахырында һәр спорт төре буенча да 1-3 урыннар билгеләнде, грамоталар һәм бүләкләр тапшырылды. Балалар үзләренең осталыкларын күрсәттеләр, шулай ук күтәренке кәеф һәм уңай эмоция алдылар. 

«Җәлил укулары» II Халыкара әдәби бәйгесенең мәктәп туры тәмамланды. Әлеге бәйгенең район турында мәктәп данын якларга "Җәлил татар телендә" номинациясендә 9 нчы сыйныф укучысы Шәрипова Ләйлә, "Җәлил рус телендә" номинациясендә ике яшь категориясендә 7 нче сыйныф укучылары Гиздатуллина Илзирә, Маликова Азалия, 9 нчы сыйныфтан Шайдавлетова Язилә яклыйчаклар. Кызларга уңышлар телибез

20 октябрь көнне "Бүләк" өстәмә белем бирү үзәгендә Татарстан Республикасы олимпиада үзәге оештырган "Литературный марафон" узды. Әлеге чарада безнең мәктәптән Маликова А., Гиздатуллина И. үз белемнәрен сынап карадылар.