Республикакүләм ришвәтчелеккә каршы юнәлдерелгән иҗади эшләр бәйгесенең нәтиҗәләре билгеле булды: 1-4 нче сыйныфлар арасында "Аппликация" номинациясендә 1 нче сыйныф укучысы Салахова Зөһрә -III урын, Закирова Мәдинә - IV урын; "Плакат"  номинациясендә Тимиров Айнур - IV урын; 5-9 нчы сыйныфлар арасында "Рәсем" номинациясендә 6 нчы сыйныф укучысы Хәбетдинова Фирүзә III урынга лаек булдылар. Укучыларны котлыйбыз, уңышлар теләп калабыз!!!

Мәктәбебездә, театр атналыгы кысаларында, укучылар тарафыннан "Курчак театры" куелды. Укучылар, 4 төркемгә бүленеп, театр тәкъдим иттеләр. Алар үзләре эшләгән курчаклардан тамаша кылдылар.

1-4 нче сыйныфлар арасында уздырылган "Безнең ишегалды" рәсем конкурсының нәтиҗәләре билгеле булды. 1 нче сыйныф укучысы Салахова Зөһрә, 4 нче сыйныф укучысы Насртдинова Чулпан мактаулы I урынга лаек булдылар. Җитәкчеләре Салахова С.Р., Муллахметова А.Ф. Кызларны чын күңелдән котлыйбыз, иҗади уңышлар телибез!!!

19 ноябрь көнне Казан шәһәрендә уздырылган тарих һәм җәмгыять укытучыларының III съездында Гимазов Н.Ф. катнашып кайтты. Әлеге чарада түбәндәге юнәлешләрнең чишелеше каралды:

19 ноябрь көнне Такталачык төп гомуми белем бирү мәктәбендә 9 сыйныф укучылары рус теленнән йомгаклау әңгәмәсе биреп карадылар. Әлеге биреп карау имтиханы зоналап бүленгән иде. Әлеге сынауны укучылар уңышлы гына үтеп чыктылар.

Бүген мәктәбебездә "Әниләр көне" нә багышланган шигырь укучылар бәйгесе узды. Укучылар татар, рус телләрендә төрле шагыйрьләрнең шигырьләрен сөйләделәр. Һәрбер сыйныфтан бер җиңүче билгеләнде, җиңүче дипломнары тапшырылды.

13 нче ноябрь көнне Минзәлә шәһәрендә "Татар теле һәм әдәбияты укытучыларының  педагогик осталыкларын һәм иҗади үсешләрен камилләштерү" темасы астында татар теле һәм әдәбият укытучыларының зона семинар-киңәшмәсе узды. Бу чарада безнең мәктәптән Салахова В.Х. катнашты. Төрле темаларга караган мастер-класслар, дәрес фрагментлары, гимназиядә оештырылган театр түгәрәгенең эшчәнлеге белән танышып кайтты.

11 нче ноябрь көнне, юл хәрәкәте иминлеге атналыгы  кысаларында, укучылар белән һава торышы шартларына туры китереп, юлда куркынычсызлык кагыйдәләре турында профилактик әңгәмә үткәрелде. Укучылар шулай ук еш очрый торган юл тамагаларын, юл хәрәкәте куркынычсызлыгы кагыйдәләрен искә төшерделәр.

7 нче ноябрьдән башлап мәктәбебездә "Гаилә һәм мәктәп тәрбиясе" айлыгы башланып китте. Айлык түбәндәге чаралардан гыйбарәт булачак:

1. "Минем киләчәктәге гаиләм" темасына 6-9 сыйныфлар арасында рәсем конкурсы;

2. Курчак театры атналыгы;

3.Әниләр көненә шигырь укучылар бәйгесе;

4. "Иң яраткан әнием" концерты;

5. Рәсем күргәзмәсе;

6."Кошларны ашатыгыз" акциясе (җимлекләр ясау);

7.Бөтендөнья балалар көнен билгеләп үтү.

2 нче ноябрь көнне "Бүләк" укыту үзәгендә, Республика Олимпиада үзәге оештырган, 2-6 нчы сыйныф укучылары өчен инглиз һәм татар телләреннән олимпиада узды. "Учу английский" олимпиадасыннан Гиздатуллина И., "Учу татарский" олимпиадасыннан Вәлиева А. катнашып кайттылар.