Әфганстаннан совет гаскәрләрен чыгаруга 31 ел тулган көннәрдә , укучыларыбыз Әфганстанда хәрби хезмәтләрен үтәгән егетләребезне искә алып, аларның өйләрендә булдылар.

Туган тел айлыгы дәвам итә... Шул максаттан чыгып, 17 нче февраль көнне, 2-4 сыйныфлар арасында туган тел буенча "Күңелле грамматика" интеллектуаль уены узды. Укучылар төрле ребуслар, табышмаклар, логик мәсьәләләр чиштеләр. 

14 нче февраль көнне укучыларыбызның көтеп алган бәйгесе - шигырь укучылар конкурсы булды. Бәйгенең тематикасы ТАССРның 100 еллыгын исәптә тотып, туган телгә, туган якка, ватанпәвәрлеккә багышланган иде. Укучылар бит җитди, тырышып әзерләнгәннәр иде. Иң сәнгатьле сөйләүчеләр мактау грамоталарына лаек булдылар. 

Парламент сәгате

Бөек Җиңүгә 75 ел , ТАССР төзелүгә 100 ел тулу уңаеннан мәктәбебездә парламент сәгате   үткәрелде.  Анда кунак итеп  җирлек депутаты М.И. Басыйров чакырылды. Ул бик  эчтәлекле чыгыш ясады. Дәресне Н.Ф.Гимазов уздырды.

Бүген Әтәс төп гомуми белем бирү мәктәбендә 7-8 класслар арасында “Математик регата”  район конкурсы үтте.  Укучыларыбыз  мәктәбебез данын якладылар. Укытучылары Л.Н.Галимуллина . Афәнин!

Туган тел айлыгы барышында "Иң татлы тел - туган тел" темасына һәр сыйныфта да тәрбия сәгатьләре узды. Милли тәрбия бирү, халык тарихын өйрәнү, аның мәдәни байлыгы турында күзаллау булдыру, туган телеңә, халкыңа карата соклану, горурлану хисе тәрбияләү, балаларда ул яшәгән республика, район, авыл тарихы турында мәгълүмат бирү максат итеп куелган иде. 

Туган тел айлыгы кысаларында, "Туган телдә белем бирү проблемалары" дигән актуаль темага түгәрәк өстәл узды. Әлеге утырышта һәр предмет укытучысы үз фикерләре белән уртаклашты.

8 нче февраль көнне “Созвездие-Йолдызлык-2020”  конкурсының зона этабы узды. Укучыларыбыз   жюри вәкилләренә  нәфис сүз,  ялгыз җыр, биюләрдә осталыкларын күрсәттеләр.

Февраль ае - туган тел ае. Шул максаттан чыгып, мәктәбебездә айлык башланып китте. 3нче һәм 6 нчы февраль аралыгында 7,9 нчы сыйныф укучылары "Туган телем - иркә гөлем" темасына стенгазета чыгардылар. Әлеге газетада туган тел турында мәкальләр, канатлы сүзләр, тугандаш телләрнең "агачы" сурәтләнгән иде.

"Ел класс җитәкчесе - 2020" конкурсының район этабында класс җитәкчесе Шарипова Алсу Флүр  кызы катнашты.