Бүген башлангыч класс укучылары белән берлектә әкиятләр илендә кунакта булдык. 1 нче класс укучылары заманча "Шалкан", 3 нче класс укучылары "Койрыклар", 4 нче класс укучылары "Куян маҗаралары" әкиятләрен тәкъдим иттеләр. Тамашаны карарга балалар бакчасында тәрбияләнүче нәниләр дә чакырылды.

Башлангыч класслар атналыгы дәвам итә. Бүген 3 -4 класс укучылары катнашында "Бәхетле очрак" уены оештырылды. "Зирәкләр" һәм "Тапкырлар" командалары үзара көч сынашты. Нәтиҗәдә дуслык җиңде.

Бүген мәктәптә башлангыч класс укучылары арасында "Матур язу" бәйгесе үткәрелде.1 нче класстан Галиева Камилла, 3 нче класстан Вәлиева Алсу, 4 нче класстан Гиздатуллина Илзирә иң матур һәм дөрес язучылар дип билгеләнде. Укучыларга алдагы конкурсларда да уңышлар телибез!

Бүгеннән башлангыч класслар атналыгы башланып китте. Укучылар үзләрен төрле конкурсларда сынаячак. "Бозда сак бул!" дигән темага рәсем конкурсы оештырылды. Иң уңышлы дип табылган ике рәсем район турына җибәрелде.

11 нче ноябрь көнне район мәдәният йортында укытучылар өчен СанПИН укулары булып узды.

Бүген, ягъни 3 нче ноябрь көнне, 1 нче чирек нәтиҗәләре буенча педагогик киңәшмә үтте. "Дәресләрдә критик фикерләү технологиясе" дигән темага татар теле һәм әдәбияты укытучысы В. Х. Салахованың  чыгышы  булды. Класс җитәкчеләренең чыгышлары тыңланды, эшчәнлеккә нәтиҗә ясалды, алга бурычлар куелды.

1, 2 нче ноябрь көннәрендә 9 нчы класс укучылары математика һәм рус теле фәннәреннән сынап карау имтиханы тапшыралар. Аларга уңышлар телик!