Бүген 9 нчы класс укучылары рус теленнән имтихан бирәләр. Аларга уңышлар телибез!

Кичә башлангыч сыйныф укучылары, уку елын төгәлләп, экскурсиягә чыктылар. Язгы табигатьтәге үзгәрешләрне күзәттеләр, кызыклы уеннар уйнадылар.

Бүген мәктәптә "Соңгы кыңгырау" бәйрәме узды. Бәйрәмдә 9,4, 1 нче класс укучылары чыгыш ясады. Мәктәп директоры, килгән кунаклар укучыларны бәйрәм белән  котладылар, алдынгы укучыларга грамоталар тапшырылды. Бәйрәм җыр, шигырь, вальс белән белән үрелеп барды. Бәйрәмне Саетова А.Х., Ахатова Т.Н. бик күңелле итеп оештырдылар. Барлык укучыларны, укытучыларны бәйрәм белән котлыйбыз!

22 нче майда мәктәптә ата-аналар җыелышы булды. Җыелыш барышында еллык эшчәнлеккә нәтиҗә ясау максатыннан укыту-тәрбия эшләре буенча директор урынбасары Шаехова Р.Р. чыгышы тыңланды. Укучыларның җәйге ялын оештыру турында сүз алып барылды. Каникул чорында балаларның иминлегенә кат-кат басым ясалды.

16-18 нче май көннәрендә укучыларның һәм укытучыларның 63 нче туристик слеты булып узды. Укучыларыбыз уңышлар белән кайттылар.Ориентлашу буенча Ахметова Ә. 1 , Шаймарданов Р. 3 , мәктәп командасы 2 нче урында. Үзешчән сәнгатьтә чыгыш ясауда 2 нче урын. Гомуми ярыш нәтиҗәләре буенча мәктәп командасы 4 нче урынга чыкты. Котлыйбыз!

13 нче май көнне районда җиңел атлетика буенча Җәйге Спартакиада уздырылды. Ахметова Ә. 100 м, 400 м, 800 м аралыкка йөгерүдә 1 нче, Шайдавлетова Я. биеклеккә сикерүдә 2 нче, Шаймарданов Р. ераклыкка сикерүдә 2 нче, ә мәктәп командасы 2 нче урынга лаек булды. Җитәкчеләре: Закирянова Т.Р. Укучыларны уңышлары белән котлыйбыз! Молодцы!

12 нче май көнне районда "Куркынычсыз тәгәрмәч" конкурсы узды. Әлеге ярышта Закиров И., Фазлыев Д., Маликова А., Гиздатуллина И. составындагы команда 3 нче урынга лаек булды. Җитәкчеләре: Саетова А.Х. Котлыйбыз һәм киләчәктә дә уңышлар теләп калабыз!

8 нче май көнне Бөек Җиңүнең 72 еллыгына багышланган митинг үтте. Әлеге митингка тыл ветераннары, сугыш чоры балалары чакырылган иде. Алар үз хәтирәләре белән бүлештеләр, бәйрәм белән котладылар. Һәйкәлгә венок салынды. Укучылар тарафыннан концерт күрсәтелде.

"Без бергә" иҗат фестивале нәтиҗәләре билгеле булды. Әлеге конкурста  Шаймарданов Р. ( автомоделирование) 1 нче, Гаттаров Х. (ракетомоделирование) 1 нче, Салахов Д. (судомоделирование) 1 нче, Хабутдинов А. (судомоделирование) 2 нче урынга лаек булдылар. Җитәкчеләре: Гимазов Н.Ф.

"Г.Тукай исемендәге шигырь укучылар" бәйгесенең район этабында катнашып, 7 нче класс укучысы Фарисова Ильвина II урынга лаек булды. Җитәкчесе: Салахова В.Х.