7 нче август көнне,  педагог-организаторларның  киңәшмәсе булып узды. Алар  эшлекле сөйләшүдә узган елга йомгак ясадылар, чыгышлар тыңладылар, фикер алыштылар. Алдагы уку елына эш планлаштырдылар. Семинарда безнең мәктәптән Фазылов А.М. катнашты.

7 август көнне Татар Ямалы төп гомуми белем бирү мәктәбе базасында инглиз теле укытучыларының секцион утырышы узды. Киңәшмә барышында узган уку елы нәтиҗәләре буенча йомгак ясалып, яңа уку елына максат-бурычлар куелды. Киңәшмә эшлекле һәм файдалы узды.

6 августта Мари Суксу төп гомуми белем бирү мәктәбендә "Моделирование современного урока математики в соответствии с требованиями ФГОС" темасы астында район математика укытучыларының август конференциясе секцион утырышы узды. Такталачык төп гомуми белем бирү мәктәбеннән Гыйльфанова А.М. "Мониторинг профессиональной деятельности учителя"  темасына чыгыш ясап, тәҗрибә уртаклашты. 

6 август көнне аерым фәннәрне тирәнтен үзләштерүле 2 нче санлы Актаныш урта мәктәбе базасында сыйныф җитәкчеләренең август киңәшмәсе узды. Киңәшмә барышында узган уку елындагы эшчәнлеккә нәтиҗә ясалды, яңа уку елына максат һәм бурычлар куелды. Чарада безнең мәктәптән сыйныф җитәкчеләренең методик берләшмә җитәкчесе Шәемова З.Ф. һәм 5 нче сыйныф җитәкчесе Гайсина Л.Ф. катнашты.

Бүген лагерьда татар халкының милли бәйрәме Сабантуй үтте. Балалар төрле ярышларда катнашып, үзләренең көчләрен, җитезлекләрен сынадылар. Капчык киеп йөгерү, чүлмәк вату, кул көрәштерү, йомырка кабып йөгерү, "ат" чабышы.... Һәр бала бүләк алып, канәгать булып кайтып китте.

19 нчы июнь көнне "Акчарлак" лагеры балалары Актанышка экскурсия ясадылар. Алар паркларда ял иттеләр, уйнадылар. Актанышның матурлыгына сокланып сәяхәт ясадылар. 

Бүген "Акчарлак" лагерында "Сюрпризлар "көне үткәрелде. Һәр укучы кызыклы сюрпризлар әзерләп килеп аларны иптәшләренә бүләк иттеләр. Кемнәргәдер бүләкне алыр өчен тырышырга туры килде. Һәр бала канәгать булып кайтып китте.

Мәктәп яны лагеры балалары белән табигатькә экскурсия ясадык. Урманнарның , басуларның яланнарның матурлыгына сокланып, хозурланып кайттык. 

"Акчарлак" лагеры балалары бик талантлы икәнлекләрен 13 нче июнь көнне "Талантлар"көнендә күрсәттеләр. Нинди генә сәләтләре юк икән аларның: җырлыйлар, рәсем ясыйлар, фокус күрсәтәләр, кул эшләре белән шөгыльләнәләр, футбол тубын чөяләр ... Алга таба да бу сәләтләрегезне югалтмагыз, кадерле балалар !

Бүген лагерьда "Реклама көне" үткәрелде. Балалар белән башта реклама турында әңгәмә үткәрелде. Аннан сон алар төрле -төрле рекламалар күрсәттеләр. Ниләр белән генә кызыксындырмадылар: конфет, курчак, печенье, салфетка, "Сабантуй" бәйрәмен, футбол площадкасын, туплар...Балаларга бик кызыклы булды.