Республиканың мәгариф һәм фән министры Рафис Борһанов бүген Такталачык авыл җирлегендәге өр-яңа җәмәгать үзәген халыкка файналануга тапшыру мизгелләрендә катнашты.Такталачык – бай тарихы гасырларга барып тоташкан, төрле өлкәләргә, аеруча иҗат дәрьясына, бик күп танылган шәхесләр биргән җирлек. Соңгы елларда җирлектә яшәүчеләр яңа, заманча мәдәният учагы хакында хыялланды. 2017-2018 елларда Республика программалары халыкның әлеге ихтыяҗын икеләтә канәгатьләндерде дисәк тә, бу ялгыш фикер булмас. Чөнки биредә кыска гына вакыт эчендә 200 кешелек тамаша залын, китапханәне, җирлек советы биналарын бер түбә астына алган җәмәгать үзәге сафка басты. Чара уңаеннан тантанага килгән халык, шул исәптән укучылар да, зур, якты, җылы бинада “Агыйдел” дәүләт җыр һәм бию ансамбленең концертын тамаша кылды.