Табигатьне саклау, аны пычратмау һәм экологик  тәрбияне арттыру максатыннан 27 нче апрель көнне 7 нче класс укучылары белән “ Җир Хартиясе” дип исемләнгән класс сәгате үткәрелде.

26 апрель  көнне район мәдәният йортында актанышлылар Г. Тукайның туган көнен билгеләп үттеләр. Бу кичәгә татар теле һәм әдәбияты укытучылары, китапханәчеләр, укучылар чакырылган иде. Кичә бик матур узды, барлык тамашачыларның күңелләренә хуш килде. 

Мәктәбебез 26 апрельдә халкыбызның бөек шагыйре Габдулла Тукайның туган көнен билгеләп үтте. Әдәби-музыкаль кичә "Күңелләрдә яши, яшьни яшь Тукай!” зур әзерлек белән үткәрелде. Кичәне оештыручы татар теле һәм әдәбият укытучысы Нурлыгаянова Ләйлә Шәйхенур кызы, музыкаль бизәлеш өчен Төхбәгалиева Илина Котдус кызы зур көч куйдылар. Кичә «Туган тел» җыры белән тәмамланды.

Бүген IX сыйныф укучылары өчен татар теленнән бердәм республика тесты. Беренче имтиханнарында тел ачкычлары, уңышлар телибез. Сынатмагыз, укучылар!

Атналыктан 10 нчы класс укучылары да читтә калмады. Алар Тукай музейларына виртуаль экскурсия ясадылар. Кушлавыч ... Казан маршруты эчтәлекле һәм мавыктыргыч булды.

21 апрель көнне 5 нче класс укучылары ( Әхмәтшәрипова А, Исмагилова А, Мифтахов Ә, Шәйхетдинова А, Шаймурзин Д.) Такталачык мәктәбендә үткәрелгән  "Габдулла Тукай әсәрләрен сәхнәләштерү»  конкурсында “Эш беткәч уйнарга ярый” шигырен сәхнәләштерделәр. (Җитәкчеләре Нурлыгаянова Л.Ш., Гарипова И.Ф.)

22 нче апрель көнне 8 нче класс укучылары белән Тукай  эзләре  буйлап  “Презентация – викторина”  үткәрелде. Якташыбыз Г.Афзалның “Илдә туган ил улы син, илдә яндың нур булып...” сүзләре кичәнең эпиграфы итеп алынды. Укучылар бөек шагыйребез белән бәйле булган барлык сорауларга да бик тирән һәм эчтәлекле итеп җавап бирделәр.

22 нче апрель көнне 7 нче класс укучылары  “ Яшь Россия”  дип аталган  оешмага кабул ителделәр. Алар муеннарына  Россия символикасы булган галстуклар тактылар.

22 апрель көнне педагог-китапханәче Илдарова Ләйлә Фәнис кызы Габдулла Тукайның тууына 130 ел тулуга багышланган “Тукай безнең күңелләрдә” дигән “Тамчы-шоу” интеллектуаль-күңел ачу бәйгесе үткәрде. Бәйгедә 5 нче классның  “Дуслык” командасы һәм 6 нчы классның “Ялкын” командасы көч сынашты. Ике команда да бөек шагыйребезнең тормышын, иҗатын бик яхшы белүләрен күрсәттеләр. 

“Спортивный Татарстан” акциясе кысаларында  21 нче апрель көнне  мәктәп күләмендә оешкан төстә иртәнге зарядка үткәрелде.