Бүген 7 нче класста Нуруллин Рушат Фирдәвисович  ачык рәсем дәресе күрсәтте.  Дәрестә мастер класс элементлары уңышлы кулланылды. Укучылар “техника двойного мазка”  ярдәмендә, 8 мартка бүләк иҗат иттеләр. Соңыннан укытучы дәрескә үзанализ ясады, катнашкан укытучыларның анализлары тыңланды. Дәрес бик уңышлы булды.

«Ватанны саклаучылар көне” уңаеннан 3 нче сыйныф укучылары “Әтием – горурлыгым” дигән темага проект эше эшләделәр. Ай дәвамында материал тупладылар һәм эшләре белән чыгыш ясадылар. Катнашкан һәр укучы узе башкарган эштән канәгать калды.

Ватанны саклаучылар көне уңаеннан 22 нче февраль  көнне 8 нче класс укучылары белән “ Ватанны саклау-изге бурыч” дип исемләнгән класс сәгате үткәрелде.

21 нче февраль- халыкара тел көне буларак билгеләп үтелә. Шул уңайдан  класс җитәкчеләре  Илнар Шәйхенурович  8 нче класс укучылары белән “ Татар теле-туган телем!” дип исемләнгән тәрбия сәгате үткәрде.

21 февраль – Халыкара туган тел көне уңаеннан “Шигырь сөйлим туган телемдә” баш астында 5, 6, 7 нче сыйныф укучылары белән әдәби кичәләр үткәрелде. Телгә багышланган шигырьләр укылды, презентацияләр күрсәтелде. Шулай ук китапханәдә китап күргәзмәсе урнаштырылды.

23 нче февраль- Ватанны саклаучылар көне уңаеннан  8 нче класс кызлары бергә укучы егетләрне бәйрәм белән котладылар һәм үзләренең бүләкләрен тапшырдылар.

13, 14 нче февраль көннәрендә "Йолдызлык-2017" сәнгать фестиваленең муниципаль туры узды. Безнең мәктәп укучылары ялгыз җыр, вокал-ансамбль, конферанс, эстрада,халык биюләре номинацияләрендә уңышлы чыгыш ясап кайттылар. Аларга киләчәктә дә уңышлар телибез.

15 нче февраль- афганчылар көне буларак билгеләп үтелә. Балаларда Ватанга карата мәхәббәт, патриотлык хисе тәрбияләү өчен  8 нче класс укучылары белән  класс җитәкчесе Илнар Шәйхенурович “ Әфганстан-йөрәк ярасы” дип аталган класс сәгате үткәрде. 

14 февраль – Гашыйклар көне һәм программистлар көне уңаеннан мәктәптә зур кичә оештырылды. Ике команда:  “Яндекс”   һәм “Гугл” информатика өлкәсендә көч сынаштылар. Бәйрәм 5-11 класс укучыларының “Бер күрүдә гашыйк булу” темасына төшергән видеолары белән үрелеп барды. Бик күңелле һәм файдалы кичә булды.

Татар халкының бөек шагыйре, көрәшче, Бөек Ватан сугышы каһарманы Муса Җәлилнең туган көне уңаеннан 3-4 сыйныф укучылары белән ”Гомере аның моңлы бер җыр иде...” темасы астында кичә уздырылды. Балалар Муса Җәлилнең кыскача биографиясе,   язучыларның аның турында язган истәлекләре, аның шигырьләре, китаплары белән таныштылар,өзекләр укыдылар. Кайбер шигырьләрен яттан сөйләп,җырларын җырладылар.