20 октябрь көнне 1нче сыйныф укучылары мәктәп китапханәсенә экскурсиягә керделәр. Ләйлә Фәнис кызы аларны китаплар иле белән таныштырды. Укучыларга бик ошады, алар бик канәгать калдылар.

21 октябрь көнне, укучыларның һөнәри юнәлешләрен ачыклау максатыннан, 7-8  класс укучыларына һөнәр сайлау буенча тест үткәрелде

  Тарих атналыгы кысаларында 5 классларда "Борынгы заман", 6 класслар белән "Безнең уен" чаралары, 9,11 классларда "Иң кызыклы 100 сорау" тарихи викториналары үткәрелде. "Рус кенәзләре" исеме астында газеталар чыгарылды. Чаралар бик кызыклы, мавыктыргыч булды. Укучылар актив катнаштылар.  

   19 октябрьдә укучылар өчен Оренбург “Радуга” циркы үз программасын тәкъдим итте. Программада клоун, гимнаст, акробатның чыгышлары балаларның күңеленә хуш килде. Еланны аеруча нык ошаттылар.

В этом году мы отмечаем 120-летие известного писателя С. А. Есенина. Ученики 11 класса выпустили газету, посвящённую этому юбилею.

  22 октябрьдә 9-11 класс укучылары арасында геологиядән олимпиада үткәрелде. Укучылар актив катнаштылар.

   21 нче октябрь көнне мәктәп китапханәсендә 1-4 сыйныф укучыларына "Укучының мәдәни көндәлеге" тапшырылды. Укучылар үзләренең экскурсияләргә йөрү турында мәгълүматларын туплаячаклар, конкурсларда катнашачаклар.

Мәктәп күләмендә “Күңелле тәнәфесләр” дәвам итә. Илина Котдусовна җитәкчелегендә вожатыйлар һәм дежур укучылар башлангыч һәм урта сыйныф укучыларын бик теләп хәрәкәтле уеннар уйнаталар. Балаларның сәламәтлеген һәм мәктәптә тәртип саклауда бу бик нәтиҗәле чара.

20 октябрь көнне 1-4 нче сыйныфлар арасында "Көзге бал" бәйрәме үткәрелде.Бу чараны мәктәбебезнең педагог-оештыручысы Төхбәгалиева Илина Котдус кызы күңелле итеп оештырды. Кичә җырлы-моңлы концерт номерлары белән урелеп барды.

19-20 октябрь көннәрендә укучылар татар теле һәм әдәбият фәннәреннән мәктәп олимпиадасы өчен биремнәр эшләделәр. Югары балл җыйган балалар район олимпиадасында да мәктәп данын яклаячаклар. Уңышлар телибез.