Профессиональ ориентация юнәлеше буенча мәктәбебезгә Роспотребнадзорның Татарстан Республикасы буенча идарәсе бүлегенең территориаль бүлек башлыгы урынбасары Хафизова Луиза Махиян кызы 10-11 сыйныфларда очрашу уздырды. Очрашуда укучыларга медицина һәм санитар-эпидемиологик юнәлеш буенча югары уку йортларына керү буенча кызыклы информация җиткерелде.

Бүген Чөгәнә башлангыч мәктәп - бакчасында Сөмбелә бәйрәме узды.Бәйрәм уен формасында үтте.Көз,уңыш темасына матур шигырьләр сөйләнде.Укучылар бик яратып уеннарда катнашты,көз темасына рәсемнәр ясап алып килделәр.Шулай ук балалар көз турында табышмак һәм викторина сорауларына җавап бирде.Сөмбелә бәйрәме бик күңелле узды.

2б класс укучылары Сөмбелә бәйрәмендә яшелчә, жиләк-жимеш турында кроссворд чиштеләр, табышмакларга жавап эзләделәр. Үзләренең команда исемен яклап, мактап чыгыш ясадылар. Командалар арасында ярыш бик кызыклы, күңелле үтте.

Көзге хәйрия ярминкәсе кысаларында җыелган акчага беренче мәктәпнең укучылар, укытучылар, ата-аналар коллективы махсус хәрби операциядә катнашучы егетләргә ярдәм йөзеннән 2 генератор һәм 6 рация алып волонтерлар үзәгенә тапшырды.
Илебез тыныч, күгебез аяз булсын, егетләребез исән-имин генә әйләнеп кайтсыннар!

Бу атнада 5 нче сыйныфларда адаптация буенча диагностика һәм дәресләр үткәрелде

3б сыйныфында "Яфрак ява" дип исемләнгән бәйрәм үткәрелде. Укучылар көз турында табышмакларга җаваплар таптылар, уеннар уйнадылар.
Җитәкчеләре: Гараева Флүсә Сабитовна

Тиздән көзге каникуллар... Көзге каникуллар алдыннан куркынычсызлык кагыйдәләрен искәртү максатыннан, 2а сыйныфында , советник Аграпова М.Р., организатор: Хафизова А.М. җитәкчелегендә Яшь ЯХИчеләр отряды белән берлектә, "Күңелле каникуллар!" исемле чара узды. Чарада "Форпост" җәмәгать тәртибен саклау оешмасы директоры Кирамова Л. Р., Юл хәрәкәте куркынычсызлыгы Дәүләт бюджет учреждениесе Актаныш районы буенча җитәкчесе Ләйсән М. Р., 103нче Янгын сүндерү бүлеге җитәкчесе Муртазин И. М. балаларга үзләренең теләкләрен, уй-фикерләрен җиткерделәр.

Бүген Актанышка Татарстан Республикасының Минзәлә районы вәкилләре районның мәгариф өлкәсендәге уңышлы эш тәҗрибәсе белән танышу өчен килделәр.

Игътибар үзәгендә безнең мәктәбебез дә бар иде. Безнең учреждение үзен үрнәк итеп күрсәтте, балаларны укытуга һәм үстерүгә инновацион алымнар кертте.

Делегация вәкилләре педагогларның эш нәтиҗәләрен күреп кенә калмыйча, үз районнарында уңышлы методикаларны кертү юллары турында да фикер алыштылар. Мондый тәҗрибә уртаклашу республикада белем бирү сыйфатын яхшыртырга һәм сәләтле балалар өчен яңа мөмкинлекләр тудырырга ярдәм итәр дип көтелә.

Бүген мәктәбебезнеңпедагогик-психологик сыйныф укучылары педагогика фәннәре кандидаты, психологик һәм махсус дефектологик белем бирү кафедрасы доценты ФДБМУ ЮБ "НГПУ" Хәзрәтова Фирүзә Вәкил кызы белән очрашуда катнаштылар.
Очрашу бик кызыклы һәм нәтиҗәле узды.

3А сыйныфында "Сөмбелә" бәйрәме узды 
Укучылар төркемнәргә бүленеп табышмаклар әйтештеләр,концерт номерлары күрсәттеләр, биремнәр үтәделәр. Ә Сөмбелә кызлары һәм көзге кәрҗиннәр бәйрәмгә ямь өстәделәр.
Сыйныф җитәкчесе: Шакурова Фәнисә Таһир кызы