Бүген бакчабыз музеенда булдык. "Милли киемнәр" темасына әңгәмә кордык. әби-бабалырыбызның  кигән киемнәре белән кабат танышып белемнәребезне ныгыттык.

Бүген безнең әминебезнең туган көне - 2 яшь тулган көне. балалар белән бергәләп әминне туган көн белән котлап АК калач җырын җырладык, биеп тә алдык,  шигырьләребезне бүләк иттек. туган көнен котлы булсын Әмин!

Төркемнәрдә балаларга җәйге чорда да режим моментларында үстерешле уеннар уйнатыла. максат: балаларның сөйләм телен, фикерләү сәләтен һәм күзаллауларын үстерү.

Бакчабызда бөек рус шагыйре А.С.Пушкин  көнен билгеләп уздык.Тәрбиячеләр балаларны бөек рус шагыйренең  тормыш юлы, иҗаты белән таныштырдылар, аның әкиятләрен укыдылар, мультфильмнар карадылар. Көнебез бик күңелле һәм файдалы узды.

"Урманай" лагеры балаларны бүген дә каршы алды. Көн бик матур- үзе җиләс, үзе җылы. Вожатый абый-апалар план нигезендә эш оештыралар. Һәр отряд газета чыгарды, речевкалар, җырлар өйрәнде. 

Көтеп алган бу көнебез дә башланды. Бу көнне- пионербол ярышы уздыру каралган. СВО да булган абыйларыбызга рәсем ясау, хат язу да булачак. Көнебез гимнастика ясаудан башланды.

Балаларны яклау көне уңаеннан, мәдәният хезмәткәрләре белән берлектә, бакчабызда балалар сабан туе узды. Ямьле, җылы, җәйге  көндә балаларыбыз рәхәтләнеп күңел ачтылар, уйнадылар һәм бик теләп бәйгеләрдә катнаштылар. Балалар да, бакча хезмәткәрләре һәм әти-әниләр дә бик канәгать калдылар. 

1 июнь көнне -Балаларны яклау көне. Шушы көнне мәктәбебездә "Урманай" ял  һәм Хезмәт лагере үз эшен башлап җибәрде. Ял лагеренда-30, хезмәт лагеренда-25 бала ял итәчәк, хезмәт куячак.

Бүген бакчабызда мәктәпкә әзерлек төркеменә йөрүче 5 баланы мәктәпкә озату иртәсе узды. Нәниләребез балалар бакчасына йорүче балалар өчен билгеләнгән программаларны үзләштереп, мәктәп бусагасын атлап керерегә әзер булып бакчабыз белән хушлаштылар. Күңелле дә, моңсу да булган бәйрәм иртәсенә балаларыбызны 1 нче класска кабул итеп алучы Самигуллина Фәйрүзә Инсаф кызының да килүе балаларыбызга икеләтә бәйрәм булды. Хәерле, имин юллар, күңелле җәйге яллар Сезгә балалар!

Мәктәпкә әзерлек төркеме балалары белән белем бирү эшчәнлекләрендә йомгаклау этабы бара. Балаларыбыз тиздән мәктәп бусагасын атлап керәләр. Белем бирү өлкәләре буенча уздырылган мониторинглар буенча биш балабыз да мәктәпкә әзер. Хәерле имин юллар  телибез.