Балаларыбызның иң яраткан шөгыльләре - рәсемләү. Төркемдә дә, уен мәйданчыгында да балаларыбыз бик теләп рәсем ясыйлар. Бүген дә алар бакча хезмәткәрләренә һәм әти-әниләргә "күңел җылысын" бүләк иттеләр. 

Авыл тарихы белән тирәнрәк танышу максатыннан мәдәният йортында булдык. Нәниләребез өчен бик күп яңалыклар ачтык. Максатыбыз: авыл тарихы, авыл тормышы белән тирәнрәк танышу.  Нәниләребездә бакча яшеннән үк авылыбызга карата хөрмәт тәрбияләү.

Без яңа уку елына әзер. Хәерле, имин еллар булсын!

Җәй айларында саф һавада табигатьне, кошларны, җәнлекләрне һәм бөҗәкләрне балалалр аеруча кызыксынып күзәтәләр. һәр бала аерым шәхес. һәрбересе үзенчә нәтиҗә ясый. Тәрбияче апалары белемнәрне тирәнәйтеп, балаларның күзаллауларын үстерү өстендә даими эш алып бара. Йомгаклап, балалар белән уеннар уйнап, хәтерләрен ныгыту максатыннан, аерым очракларда  кул эшләре  оештырыла. 

Җәйге чорда, яңа уку елына әзерлек максатыннан, бакчабызда ремонт эшләре дә уздырдык. 

Бакчага йөрүче балаларыбызның иң яраткан шөгыле - тәҗрибә мәйданчыгындагы үсемлекләрне күзәтү, аларны  тәмле су белән "сыйлау", төпләрен йомшарту. Балалар янәшә булгач үсемлекләргә дә "җан" керә.

Җәй айларында һава торышына карап балалар белән бакчабыз чәчәклегендә еш булабыз. Чәчәкләрне күзәтеп, төпләрен йомшартып торабыз. Хезмәт эшчәнлегенә дә мәхәббәт очкыннары  кечкенәдән салыну бик тә мөһим.

Кечкенәләр төркеменә йөрүче нәни егетләребез төзү материаллары белән аеруча кызыксынып уйныйлар. Тәрбияче апаларының максаты: кечкенәдән ир-егетләребезне төзү эшләре белән якыннан таныштыру, бу хезмәткә кызыксыну уяту һәм  хөрмәт тәрбияләү.

Бүген бакчабызда сәламәтлек атналыгыы кысаларында, җәйге чорга сәламәтлек планына нигезләнеп, сәламәтлек көне узды. Максатыбыз: балаларда сәламәт яшәү рәвешен кечкенәдән тәрбияләү.

Авылыбыз үзәгендә урнашкан ял паркы белән янәшә, Бөек Ватан сугышында гомерләре киселгән авылдашлар өчен һәйкәл  куелган.  Дөньялар имин,  әти-әниләребезнең, әби-бабайларыбызның күнелләре тыныч булсын дигән теләк белән,  ел саен без җәй дә, кыш та һәйкәл янына экскурсиягә барабыз. Нәни йөрәкләрнең теләкләре генә тормышка аша күрсен.