Гимназия коллективы барлык гүзәл затларны язның беренче бәйрәме - 8 март Халыкара хатын-кызлар бәйрәме белән котлый. Эшегездә уңышлар, сәламәтлек, бәхет телибез.

Бүген гимназия егетләре хөрмәтле хатын-кызларыбызны, укытучыларыбызны, укучы кызларны бәйрәм белән котладылар,бик матур концерт номерлары күрсәттеләр. Рәхмәт сезгә, егетләр!

"Без яшь, без сәләтле..." республикакүләм фәнни-гамәли конференциянең II турына үтүчеләр исемлеге белән таныша аласыз. Конференция турында тулырак...

29 февральдән 3 мартка кадәр Казанда Татарстан Республикасы өстәл теннисы федерациясе тарафыннан, 2002 нче елгы һәм кечерәкләр арасында “Надежды Татарстана” исемле республикакүләм өстәл теннисы ярышлары оештырылды. Анда Актаныш балалар һәм яшүсмерләр спорт мәктәбендә шөгыльләнүче М Солтанов 2 нче урынны яулады (остазы Б.Солтанов). Котлыйбыз!

Кичә гимназиядә "Татар егете - 2012" конкурсы узды. Егетләргә кичә дәвамында күп төрле биремнәр вакытында үзләренең тапкырлыкларын, җитезлекләрен сынарга туры килде. Абсолют җиңүче дип 11 нче класс укучысы Шәйхуллин Илнар табылды. 1 нче урында - Минһаҗев Аяз (8б), 2 дә - Сәләхов Рушан (8а), 3 нче урында - Зарипов Нәфис (10). Шулай ук "Иң җор телле егет"  булып Нуртдинов Зөфәр (11), "Иң җитез егет" булып Габдрахманов Илнур (8б), "Иң зирәк егет" булып Шадрин Родион (9), "Тамашачы күңелен яулаучы егет" булып Надергулов Марат танылдылар.

Гимназиядә мәшһүр герой-шагыйрь Муса Җәлилнең туган көненә багышланган "Жить - значит бороться..." музыкаль-шигъри композиция үткәрелде. Кичәне 8 класслар белән рус теле укытучысы Энҗе Фирдәвес кызы оештырды.

Чаллы шәһәрендә узган математика фәненнән республика олимпиадасының зона этабында гимназиянең  6 класс укучылары Фаррахова Инзилә - 3 нче урын, Аюпов Марсель  - 7 нче урын алуга ирештеләр (укытучылары Рәмилә Әдип кызы). Инзилә дә, Марсель да 17 мартта Казанда узачак республика этабында катнашачаклар. Аларга уңышлар телик.

5-6 нчы класс укучылары арасындагы "Инглиз теле дөньясында" районкүләм конкурста Әгъләмов И., Хөҗҗәтов И., Аюпов М. составындагы гимназия командасы 1 нче урын яулады. Укытучылары - Тимирова Л.Ф., Әюпова Л.Р., Фахразиева И.Х. Афәрин, егетләр!

Бүген 27 мартта гимназиядә үтәчәк "Без яшь, без сәләтле..." фәнни-гамәли конференциягә эшләр кабул итү тәмамланды. 2 нче турга узган эшләр исемлеге 6 март көнне сайтка куелачак.

Бүген гимназиянең 7-8 класс укучылары филология фәннәре докторы, КФУ профессоры, РФ һәм ТР атказанган мәдәният эшлеклесе Фоат Галимуллин белән оештырылган видеоконференцидә катнаштылар. Галим укучыларга хәзерге заман әдәбияты турында лекция укуды, сорауларына җавап бирде. Видеоконференциядә шулай ук КФУның сәнгать һәм филология институтының татар филологиясе факультеты вәкилләре дә катнашты. Мондый очрашулар киләчәктә дә оештырылачак.