Бүген Татарстан Республикасы Мәгариф һәм фән министрлыгы тарафыннан үткәрелә торган I Халыкара татар теленнән олимпиада старт ала. Анда безнең гимназиянең 9 нчы класс укучысы Шәйхин Айдар һәм 10 нчы класс укучысы Шәвәлиева Гүзәл (фотода) катнашалар (укытучылары Ләйсән Галиәкбәр кызы Әминова). Уңышлар сезгә укучылар!

17 нче октябрь көнне Татарстан Республикасы Дәүләт Советы депутаты, Татарстан Республикасы Фәннәр академиясе вице-президенты Азат Шаймулла улы Зыятдинов гимназиядә 7-9 нчы класс укучыларына "Поэзия һәм аның кеше тормышында роле" темасы астында лекция-әңгәмә алып барды.

Татарстан Республикасы Мәгариф һәм фән министрлыгы тарафыннан үткәрелгән "Татарга тылмач кирәк" бөтенрәсәй конкурсында гимназиянең 9 нчы класс укучысы Шәйхин Айдар (фотода) гран-при иясе булды. Афәрин Айдар!
3 нче урынны да безнең гимназия укучысы яулады. Ул - Валькова Алена, 11 нчы класс укучысы. Афәрин, булдырасыз!

Бу атнада гимназиядә Сөмбелә бәйрәменә багышланган кичәләр узачак.

3-4 нче класслар - чәршәмбе 13.30 да,

5-8 нче класслар - җомга 13.30 да,

9-11 нче класслар - җомга 17.00 дә.

10 нчы октябрь көнне гимназиядә якташыбыз, язучы Илфак Ибрагимов җитәкчелегендә яшь язучылар, "Чын мирас" журналы редколлегия вәкилләре катнашында очрашу-укулар узды.

Өлкәннәр ункөнлеге кысаларында гимназия-интернатның бертөркем укучылары Пучы авылында урнашкан картлар йортында концерт куеп, өлкәннәрне котлап кайттылар.

Гимназия-интернатның 7 нче класс укучылары укытучы апа-абыйларын Укытучылар бәйрәме белән котладылар.

Укытучылар көне уңаеннан Казан шәһәрендә оештырылган республикакүләм "Укытучылар бәйрәме"ндә гимназиядән Фәрдиева Р.Р., Фәйзуллин Р.У., Мусавирова А.Р., Нуриева Ә.Ф.лар катнашалар.

Бәйрәм белән сезне, укытучым!
Йөрәгемнең якын кешесе!
Дөнья серен миңа өйрәтүчем!
Яшь җаннарга – Ходай илчесе!
Сезгә телим: саулык, озын гомер,
Шәхси бәхет, дөнья рәхәтен.

Кичә гимназиягә ТНВ каналы журналисты, "7 Дней" тапшыруы корреспонденты Тимур Бикмурзин килде. Ул гимназия турында мәгълүматлар, укучылардан интервьюлар алды.