Единый приемный день граждан начальником МКУ "Управление образования" - каждый вторник с 14.00 часов. Телефон 8(8555)23-44-70

Единый приемный день граждан заведующим МБДОУ "Детский сад №6 комбинированного  вида" - каждый вторник с 14.00 до 16.00 часов. Телефон 8(8555)23-29-87

Безнең балалар бакчасында бөек татар шагыйре Габдулла Тукайның 140 еллыгына багышланган кызыклы һәм күңелле кичә узды. Балалар шагыйрьнең шигырьләрен һәм әкиятләрен үзләре уйнап күрсәттеләр, аның җырларын җырладылар.
Чарада Тукай әкиятләреннән геройлар кунак булды: Шүрәле, Су анасы, Кәҗә белән Сарык һәм башка кызыклы персонажлар балалар белән бергәләп уеннар уйнадылар, шигъри юлларны сөйләделәр. Балаларның чыгышлары күңелле, җанлы һәм мавыктыргыч булды.
Әниләребез дә читтә калмады - 1нче кечкенәләр төркемендә йөрүче Шәрипов Раилнең әнисе бик матур итеп "Бишек җыры"н башкарды.
Кичә ахырында барлык катнашучылар бергәләп "Туган тел" җырын җырладылар. Җырның матур моңы һәркемнең күңеленә якты һәм җылы хисләр китерде.
Бу чара балаларга Тукай иҗаты белән якыннан танышу, аның әсәрләрен яратып өйрәнү һәм татар теленә мәхәббәт тәрбияләү мөмкинлеге бирде.

«Каенкай» балалар бакчасының уртанчылар төркеме, тәрбиячеләре Закирҗанова Лилия Рәмзил кызы җитәкчелегендә, Актанышның 103 нче янгын-коткару бүлегендә кызыклы һәм файдалы экскурсиядә булып кайттылар. Бүлек җитәкчесе Садыков Динар Ринат улы балаларны бик җылы каршы алды. Ул һәр кабинет белән таныштырып, аларның ничек җиһазлануын һәм нинди максатта кулланылуын аңлатып үтте. Экскурсиянең иң мавыктыргыч өлеше – гаражда узды: балалар махсус янгын сүндерү техникаларын күрделәр, аларның ничек эшләвен белделәр һәм хәтта кайбер практик күнекмәләр дә үзләштерделәр. Очрашу ахырында янгын куркынычсызлыгы кагыйдәләрен кабатлап, белемнәрне ныгытып куйдылар. Балалар исә үз чиратында батыр коткаручыларга матур рәсемнәрен бүләк итеп, ихлас рәхмәтләрен җиткерделәр. Актуаль һәм файдалы очрашуны оештырган өчен Садыков Динар Ринат улына һәм 103 нче янгын-коткару бүлеге коллективына зур рәхмәт!

19 апрель көнне Казан шәһәрендә үткәрелгән Бөтенроссия хореография сәнгате буенча конкурс-фестивалендә безнең балалар бакчасыннан мәктәпкә әзерлек төркеменә йөрүче Солтанов Раян Эльнар улы катнашып, 2 дәрәҗә Лауреат булып кайтты. Афәрин, Раян!