Уртанчылар төркеменә йөрүче кызлар уңышлары белән сөендерәләр. Бөтенрәсәй асфальтта рәсем ясау конкурсында Кирамова Йолдыз - 2 урын, Хузина Назлы- 3 урын алдылар. Шулай ук Бөтенрәсәй күләмендә үткәрелгән "Невероятные животные" иҗат конкурсында Гумерова Әминә, Кирамова Йолдыз, Ахиярова Диана, Башарова Язилә, Хузина Назлы - 1 урын алдылар. Молодцы, кызлар.
Тәрбияче: Шайхутдинова Ч.Т

2 июль ЮХИДИ хезмәткәрләренең һөнәри бәйрәмнәре. Шул уңайдан без аларны бәйрәмнәре белән котлыйбыз. Мәктәпкә әзерлек һәм мәктәпкә әзерлек логопед төркемнәре белән истәлекле көн уңаеннан бакчабыздагы ПДД бүлмәсенә экскурсиягә бардык. Юл билгеләрен кабатладык, табышмакларга җавап эзләдек, бүлмәгә кайткач юл билгеләре рәсемнәрен ясадык.
Тәрбияче: Насрыева Л.Н.

2 июль - ком көне.
Ком белән уйнау балаларның ин яраткан уеннарының берсе. Җәйге вакытта комлыкта уеннар, балалар өчен күңел ачу гына түгел, ә чыныктыру чарасы булып та торалар.
1нче кечкенәләр төркеме балалары да ком белән уйнарга бик яраталар. Ком белән уйнаганда без балаларга тирә-як дөньяны танып белергә өйрәтәбез, тәҗрибәләр аша белем бирәбез, сабырлыкка һәм тырышлыкка өйрәтәбез.
Тәрбияче: Салихова М.М

Бүген зурлар һәм мәктәпкә әзерлек төркемнәре балалары белән эстафета уеннары оештырдык. Кызыклы һәм күңелле уеннар балаларның күңеленә хуш килде, алар бөтен көчләрен, тырышлыкларын куеп жиңүгә омтылып уйнадылар, бер команда да алдынгылыкны бирәсе килмәде, нәтиҗәдә 3кә 4 балл белән "Ракета" командасы беренче урынга чыкты.

Без икенче кечкенәләр төркеме балалары белән китапханәгә экскурсиягә бардык. Китапханәче Ләйлә Ринатовна безгә матур рәсемнәр күрсәтте, шигырьләр укыды. Без дә үзебезнең яраткан шигырьләребезне искә төшереп сөйләдек. Аннары матур китаплар, журналлар карадык. Китапханәдә бик кызык булды!
Тәрбияче: Вахитова Г.Х.
Мы с детьми второй младшей группы сходили на экскурсию в библиотеку. Библиотекарь Лейла Ринатовна показала нам красивые картинки, прочитала стихи. Мы тоже вспомнили и рассказали свои любимые стихотворения. А потом мы рассматривали красивые книжки и журналы. В библиотеке было очень интересно!
Воспитатель: Вахитова Г.Х.

Бүген ”Каенкай” балалар бакчасында “Әкият көне” булып узды. Безнең балаларның ни кадәр сәләтле икәннәренә кабаттан инанабыз. Берничә генә көн дәвамында әзерләнеп шул кадәр матур, килештереп, оста итеп “Төлке, куян һәм әтәч” әкиятен сәхнәләштереп куйдылар Шәйхетдинова Гүзәл апалары белән зурлар төркеме балалары. Яңача итеп куелган әкият кызыклы һәм бик мавыктыргыч булды.
Бәйрәмне Салихова Миләүшә апалары “Әкияти викторина” белән дәвам итте. Төрле халык әкиятләре буенча бирелгән башваткыч сораулар, интерактив уеннар балалрны яңадан тылсымлы әкият иленә алып кереп китте.
Тамашачы балаларның, иммерсив алымы ярдәмендә, үзлектән маскалар, костюмнар сайлап алып “Шалкан” әкиятен күрсәтү, балаларның ни кадәр комуникатив, кыю, төрле ситуациядан чыга белү сәләтенә ия икәннәрен күрсәтте.
Бәйрәмебезнең азагында Вахитова Гүзәлия апалары җитәкчелегендә, кечкенәләр төркеме балалары үзләренең яраткан җырлары белән безне сөендерделәр. Бәйрәм бик күңелле, истә калырдай, уңай эмоциональ атмосферада үтте. Тәрбиячеләр: Шайхетдинова Г.Р. Салихова М.М. Вахитова Г.Х.

Сегодня в нашем детском саду прошел День сказки. Мы снова убедились, насколько талантливы наши дети. Воспитанники старшей группы вместе с воспитателем Шайхутдиновой Гузель всего за несколько дней подготовились и мастерски поставили сказку “Лиса, заяц и петух”. Сказка, поставленная по-новому, была интересной и увлекательной. Продолжила праздник воспитатель Салихова Миляуша со “Сказочной викториной". Вопросы-головоломки, интерактивные игры по мотивам сказок разных народов вновь погрузили детей в волшебную сказочную страну. Затем дети-зрители с помощью иммерсивного подхода самостоятельно подобрали маски, костюмы и показали сказку “Репка”. И еще раз доказали, насколько они коммуникативны, смелы, способны выходить из самых разных ситуаций. В завершение праздника дети из второй младшей группы под руководством воспитателя Вахитовой Гузалии порадовали нас своими любимыми песнями. Праздник прошел в очень приятной, запоминающейся, позитивной эмоциональной атмосфере. Воспитатели: Шайхетдинова Г.Р. Салихова М.М. Вахитова Г.Х.

27нче июньдә хезмәттәшебез Шәйхетдинова Чулпан Тимершәех кызы күркәм 50 яшьлек юбилеен билгеләп үтә.
Уку йортын тәмамлап, 1994нче елда Актанышка кайтканнан соң, “Каенкай” балалар бакчасына тәрбияче булып урнаша ул. Менә инде 30 ел үз һөнәренә һәм коллективка тугры булып хезмәт итә Чулпан Тимершәех кызы.
Ул – үз эшенең остасы, бай педагогик стажлы, тәҗрибәле, мәктәпкәчә тәрбия бирүнең методикасын тирәнтен белүче, үз эшенә бирелгән, намуслы, итәгатьле, инициативалы, ярдәмчел тәрбияче. Чулпан Тимершәех кызы олы җанлы педагог, балаларны әдәпле, туган илгә тугрылыклы, ярдәмчел, игелекле, эш сөючән итеп тәрбияләүгә күп көч куя. Һәр кеше белән уртак тел таба, яшь белгечләр өчен чын мәгънәсендә үрнәк. Ярдәм сорап килгәндә дә борып җибәрми, яхшы киңәшен дә кызганмый. Тырыш һәм намуслы хезмәте өчен, Чулпан Тимершәех кызын нәниләр дә, ата-аналар да, хезмәттәшләре дә яраталар, хөрмәт итәләр. Югары тәҗрибәле, иң нәтиҗәле эшләүче тәрбиячеләрнең берсе. Коллектив ирешкән уңышларда аның да өлеше зур.
Чулпан Тимершәех кызы хезмәттә күрсәткән уңышлары өчен район мәгариф бүлегенең, район башлыгының, Татарстан Республикасының Мәгариф һәм фән министрлыгының мактау грамоталары белән бүләкләнә, “Ел тәрбиячесе” район бәйгесендә призлы урыннар яулый.
Кадерле хезмәттәшебез Чулпан Тимершәех кызы! Сезне чын күңелдән 50 яшьлек юбилеегыз белән котлыйбыз. Сезнең хезмәтегезгә мәхәббәтегез өчен зур рәхмәт! Сез балаларга белем һәм тәрбия бирүдә зур өлеш кертәсез, аларның күңелләрендә якты эз калдырасыз. Хезмәтебезгә ямь өстәп, авырмый, кайгы-хәсрәт күрми, озын гомер итүегезне, гаилә шатлыгы, балаларыгызның, якыннарыгызның игелеген күреп яшәргә язсын Ходай! Ныклы тазалык, озын гомер, ак бәхетләр белән мул тормышта яшәвегезне телибез! “Каенкай” балалар бакчасы коллективы

26 июнь теш щеткасының туган көне билгеләп үтелә. 1нче кечкенәләр төркемендә теш щеткасы белән таныштык. Балаларга тешлэрне сакларга кирәклеге аңлатылды. Аннан теш щеткасы турында мультфильм карадык. Тәрбияче: Салихова М.М.

26 июня отмечается День рождения зубной щетки. В 1-й младшей группе познакомились с зубной щеткой. Детям объяснили, что нужно беречь зубы. Потом посмотрели мультфильм про зубную щетку. Воспитатель: Салихова М. М.

Бүген ясле төркеме балалары белән ял вакытларын төрләндерер өчен залда булдык. Туплар, кеглялар белән уйнадык, рәхәтләнеп сикердек һәм уйнадык. Безгә бик күңелле булды һәм балаларга бик ошады 
Тәрбияче: Гилметдинова Г.Р.
Сегодня с детьми ясельной группы решили разнообразить свой досуг и побывать в зале.Мы играли в игры с мячами, с кеглями,прыгали и бегали. Нам было весело, детям очень понравилось
Воспитатель:Гилметдинова Г.Р.

Бүген Җәйге хәрәкәтле уеннар көне билгеләп үтелә икән. Без дә зурлар төркеме балалары белән читтә калмадык, рәхәтләнеп кызыклы уеннар уйнап күңел ачтык. Тәрбияче: Шайхутдинова Г.Р.

Сегодня отмечается День летних подвижных игр. Мы не остались в стороне и с детьми старшей группы весело провели время, играя в интересные игры. Воспитатель: Шайхутдинова Г.Р.