Мингазова Гөләндәм Әхмәтсафа кызы:

«Китап докторлары» булдык.

Китаплар да кешеләр кебек “авырып” китәләр: битләре төшә, төбе куба, ертыла. Балаларда   хезмәткә мәхәббәт, хезмәт кешеләренә ихтирам тәрбияләү  максатыннан,  без дә бүген «Китап докторлары» булдык,  ягъни таушалган китапларны ремонтладык.    

 Китапларың  чирләсә

Үз кулыңнан  килмәсә

Миңа китер туп-туры,

Мин – аларның докторы.  

Мәктәпкә әзерлек төркtме балаларының "Әни-ул бәхет" темасына ясаган рәсемнәре һәм кул эшләренә  конкурс уздырылды. Бәйге нәтиҗәләре буенча  җиңү яулаган коллектив эше һәм Ибрагимова Чулпанның рәсеме район турында катнашу хокукына ия булды.

Закиржанова Лилия Рамзилевна: Шөгыльләрдә театральләштерелгән уеннар бик еш кулланабыз. Театральләштерелгән уеннар балаларда театрга кызыксыну уята. Мондый шөгыльләрдә балалар персонажга хас хәрәкәтләрне ясарга кешенең эмоциональ хәлен сурәтләргә өйрәнәләр. Балалар әкиятнең эчтәлеген, әсәрне бик тиз һәм яхшы итеп истә калдыралар. Бүген 1 нче кечкенәләр төркеменә йөрүче балалар УМК әкиятләрен өйрәнүләрен дәвам иттеләр. Барысына да кызык һәм аңлаешлы булды.

Сабирова Рәзинә Рафил кызы: Юл йөрү кагыйдәләрен өйрәнүне дәвам итәбез. Балаларның иминлеген саклау өчен бу аеруча мөһим. Юлда сак булырга ,юлны аркылы чыкканда игътибарлы булырга өйрәтәбез.

Гибадуллина Рәзилә Марсель кызы: Мәктәпкәчә   тәрбия  учрежденияләренең   төп  бурычы  – балаларны  рухи   яктан  бай, холыклы, физик яктан сәламәт итеп үстерү. Бу бурычлар төрле юллар белән тормышка ашырыла, ә шуларның иң әһәмиятлесе, үтешлесе һәм нәтиҗәлесе – уеннар.

Уеннар  тәрбия  чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатларда тәрбияли. Уеннар ярдәмендә балалар тырыш, көчле, сәләтле, нык ихтиярлы булып үсә. Кечкендән алынган хәрәкәт күнекмәләре нәниләргә тышкы дөнья белән тирәнрәк танышырга ярдәм итә. Кичке ял вакытларында уртанчылар төркемендә өстәл уеннары уйныйбыз- Доминоларда уйнарга өйрәнәбез. 

Ибрагимова Альбина Рашитовна:

Для каждого народа родной язык - самое дорогое и святое богатство. Сохранить и передать это богатство своим детям - долг каждого человека.
Во исполнение Закона Республики Татарстан "О государственных языках Республики Татарстан и других языках в Республике Татарстан" в дошкольных образовательных учреждениях с сентября 2012 года началось внедрение новых учебно-методических комплектов (УМК)  по обучению детей татарскому и русскому языкам.

   Цель программы: научить дошкольников свободно говорить на обоих государственных языках республики. Говоря о новой программе, мы имеем в виду русский язык для татароязычных семей и татарский язык для русскоязычных семей. Планируется, что дети в возрасте 4-5 лет должны знать 62 слова, 5-6 лет 45 слов, 6-7 лет 60 слов (всего 167 слов) на татарском и русском языках

Лотфуллина Ләйсән Глүс кызы:   Балаларның хәрәкәт активлыгын арттыру; коротышкаларда йөри белү, тигезлекне саклауларын ныгыту. Тизлек, җитезлек, тапкырлык  сәләтләрен үстерү.  Бер- береңә ярдәм итү, табигатьне ярату, үзара дус һәм татулык сыйфатлары булдыру максатыннан ярышлар оештырдык.

Хабибуллина Альбина Мөдәрис кызы: Бүген безнең Таңсылуга 5 яше - туган көне. Без "Ак калач" уенын уйнадык, теләкләр теләдек, биедек, җырладык. Туган көн шундый күңелле булды. Без аңа открытка, чәчәкләр ясап бүләк иттек.

Мингазова Гөләндәм Әхмәтсафа кызы:  Балаларны   әйләнә-тирә  дөнья матурлыгын күрә  белергә өйрәтү , табигатьтә , көнкүрештә  эстетик  тойгыларын  үстерү.Сәнгать әсәрләренең  эчтәлегенә  төшенә , картиналарны  дикъкать  белән  карый , музыка , әкият , хикәяләрне  игьтибар  белән тыңлый  белүләренә  ирешү. Рәсем  сәнгатенә  кызыксыну  уяту.  Предметларның  формасы , төсе , төзелеше  турындагы  кузал-лауларын  киңәйтү , шуларны  рәсемдә  күрсәтергә  өйрәтү.Рәсем  ясаганда  төсләр  һәм  төсмерләрне  кулланырга  өйрәтү. Катлаулы  предметларны  сүрәтләгәндә  рәсемдә  аларның  кисәкләренең  дөрес урнашуын , зурлыклары  буенча  нисбәтен дөрес  күрсәтергә, түгәрәк , озынча , турыпочмаклы  һәм өчпочмаклы  формаларны (җиләк-җимеш , яшелчә, гөмбә ,агачлар , балыклар һ.б.) сүрәтләргә  өйрәтәм

Галимарданова Гөлшат Риф кызы: 

Әкиятләр – халык иҗатының  бик борынгы төре.  Әкиятләрнең теле гади, аңлаешлы. Без икенче кечкенәләр төркеме балалары белән әкиятләрне сәхнәләштерәбез. Балаларның мондый уеннар  аша туган телдә матур һәм сәнгатьле сөйләшергә өйрәтәм, әкиятләр белән кызыксынучанлыгын артырам, иҗади сәләтләрен үстерәм. Балалар сәхнә белән танышалар. Анда чыгыш ясарга өйрәнәбез дуслык, тыйнаклык, шәфкатьлелек сыйфатларын тәрбиялим.