Балаларда өлкәннәр хезмәтенә ихтирам тәрбияләү. Көндәлек туклану режимы турында төшенчә бирү, һәр төр ашка туры килүче ризыклар, аларның сәламәтлеккә тәэсирен ачыклау, логик фикерләү сәләтен үстерү. Өйрәнелгән сүзләрнең сөйләмдә кулланылышын активлаштыру, гомумиләштерүче сүзләрнең мәгънәсен аңларга өйрәтүне истә тотып без мәктәпкә әзерлек "б" төркеме экскурсиядә булдык

Бүген безнең балалар бакчасында "ФГОС таләпләренә туры китереп балаларның танып-белүчәнлекләрен үстерү буенча эш оештыру" темасына район балалар бакчасы тәрбиячеләренең методик берләшмә утырышы булды. 4 белем бирү эшчәнлеге күрсәтелде.

Танып белү эшчәнлеге/төзү- Л.Г.Лотфуллина

Танып белү эшчәнлеге/төзү-Г.Р.Галимарданова

Эстетик сәнгать үсеше/кул эше- З.Р. Гильфанова

Физик үсеш- Г.Р. Гайнуллина

"Балаларның танып-белүчәнлекләрен үстерүдә ЛЕГО материалларын  куллану" темасына тәрбияче Л.Р. Закиржанованың чыгышы тыңланды: 

Тәҗрибә буенча 11 эш  таратылды

Өендә гөл үстермәгән кеше юктыр. Безнең төркемдә дә бик күп гөлләр үсә: яран гөле, миләүшә, алоэ, тамчы гөле, фикус, орхидея. Алар бик матур гөлләр. Гөлләр дә сабый бала кебек бит: аларны карарга, тәрбияләргә кирәк .  Вакытында су сибәргә, яфракларын сөртергә, кирәк булса су бөркергә, төпләрен йомшартырга, хәтта алар белән сөйләшергә дә кирәк була.Чөнки алар да кешеләр кебек бит, тәрбияләгәнне яраталар!  Араларында көйсезләре дә, талымчаннары да очрап куя.  Андый гөлләрнең дә серләрен белергә кирәк була. Гөлләрне яхшы гына тәрбияләсәң, алар безне матур чәчәкләре белән куандыралар, кәефләребезне күтәрәләр, бүлмәбезгә ямь бирәләр. Алар чәчәк аткан вакытта бакчабыз аллы-гөлле болынга охшап кала. Әйтерсең лә салават күперенең төсләрен җыеп болынга чәчкәннәр! Нинди генә төсләр юк анда: кызылы, зәңгәре, сарысы дисеңме, күзләрне камаштыра. Без алар чәчәк аткан саен сөенеп туя алмыйбыз.  Гөлләр  - тормыш яме диләр . Әйе, бу сүзләр белән без дә   килешәбез,  диеп хәбәр бирделәр Мәктәпкә әзерлек "А"лар

Дөньядагы барлык балалар да бер телдә - “уен” телендә аралашалар. Катлаулы һәм шул ук вакытта күптөрле булган дөньяны аңларга уен ярдәм итә. Уен вакытында балаларның  эмоцияләре, хисләре, акыл үсеше, уйлап чыгару сәләте, җитезлеге, аралашу культурасы формалаша. Туу белән бала кулына алган һәр предметны төрле яклап карый, уйный, өйрәнә. Ә ныклы һәм куркыныч булмаган уенчыклар һәм LEGO конструкторлар балаларга төрле эксперементлар ясарга, сәләтен күрсәтергә ярдәм итә. Ә менә безнең район тәрбиячеләребез дә бу уенчыкларга битараф түгел икән. Лотфуллина Ләйсән Глүс кызы тәкъдим иткән мастер класста бар катнашучы да уйнап, төзеп, капшап карап кәефләрен күтәрделәр

Музейларга йөрергә яратмыйлар шул. Музейчыларыбыз төрледән-төрле күргәзмәләр, чаралар, дәресләр  оештырып торса да, анда йөрүчеләр саны канәгатьләнерлек дип әйтеп булмый. Музей  ишеген дәүләт башында торганнар да сирәк ачып керә... Ә менә без - Мәктәпкә әзерлек А,Б төркемнәре  Актанышыбызның төрле истәлекле урыннарын күзәтергә яратабыз. Менә бүген дә Актанышның бүгенгесе һәм кичәгесе белән танышу өчен "Туган як" музеена бардык, һәм яңа һөнәр иясе - экскурсовод белән таныштык. Сез дә барып кайтыгыз алар сезне дә көтеп калдылар!

Балаларда үсемлекләрне күзәтә белү сыйфаты, тирә-юньгә кызыксынучанлык тәрбияләү. Гади генә тәҗрибәләр ясап, балаларның хәтерен, игътибарлылыгын, логик фикерләү сәләтен үстерү, халык авыз иҗатына кызыксынуларын арттыру. Балалар белгән табигать күренешләрен күзәтеп, алар арасында үзара бәйләнеш булуы турында нәтиҗә чыгарырга өйрәтү максатларын истә тотып мин Ләйсән Глүс кызы прогулка вакытларында күзәтүләр оештырам

Тәрәзәдән егылып төшүләрнең бигрәк тә соңгы елларда артып китүе ни белән бәйле соң? Фаҗигаләр  пластик тәрәзә куйдыру таралыш алгач күбәйгән икән. Бер яктан, яңа тәрәзәләр уңайлы да, җылыны да яхшы саклый. Шул ук вакытта кечкенә балалары булган кешеләр өчен алар зур куркыныч тудыра.Заманча җайланмаларны нәни бала да бик җиңел ача, тәрәзәгә куелган москит челтәрләре аркасында исә нәни курку хисен сизми. Челтәр исә ертылмаган очракта да, аның беркетмәләре сабый авырлыгына чыдый алмый. Нәтиҗәдә, еш кына балаларның тәрәзә тирәсендәге уеннары бик аяныч тәмамлана. Шул вакыйгаларны булдырмау максатыннан уртанчылар төркеме балалары белән Гөләндәм Әхмәтсафа кызы  әңгәмәләр үткәрде.

Бакчабызга кайтартылган лего конструкторлар белән балаларыбыз кызыксынып уйный. Лего конструкторларны белем бирү эшчәнлегендә һәм ирекле вакытта да тәкъдим итәбез. Конструктор белән уйнау баш  һәм кулны бергә эшләтә, баланың бар яклап та үсешенә этәргеч бирә. Балаларның уенга карата кызыксынучанлыгы кимеми. диеп Голшат Риф кызы фикерләре белән уртаклашты

Юлда, урамда, транспортта үз-үзеңне дөрес тоту һәм куркынычсызлык  кагыйдәләрен ныгыту максатыннан чыгып,  мин Лотфуллина Ләйсән Глүс кызы,  "Нәрсә? Кайда? Кайчан?" түгәрәге кысаларында мәктәпкә әзерлек "Б"төркеме балалары белән бакчыбыздагы ПДД бүлмәсендә сәяхәттә булдык. Балалар яңа кайтарылган әсбаплар белән таныштылар,  белемнәрен арттырдылар

Бер-беребезгә ихтирамлы һәм дус булып,иптәшләребезне үз итеп һәркөн яраткан бакчабызга ашыгабыз.Килгәндә һәр беребез юл белән очраша.Ә ул юлларны хәвефсез хәтәрсез генә үтү безнең тормышыбызның имнлеген тәэмин итә. Мәктәпкә әзерлек "А" төркеме балалар белән иртәнге әңгәмәдә шул хакта сөйләштек.