Ватанны саклаучылар көне уңаеннан сыйныф җитәкчесе Тагиров Р.А. җитәкчелегендә 6 сыйныф укучылары белән рәсем конкурсы үткәрделәр. Иң матур рәсемнәрдән стенд ясадылар. Ә мәктәпнең ОБЖ укытучысы Сафиуллин Я.Г. бәйрәмнең тарихы турында тирән итеп сөйләде. 

     Ватанны саклаучылар көне уңаеннан мәктәптә 5-8 сыйныфлар катнашында "Без - чын патриотлар" дигән темага рәсем конкурсы булып узды. Конкурсны рәсем укытучысы Минигулова Л.М. оештырды.

       17 февраль көнне 5 сыйныфта “Сезгә тиеш әле бик күп язлар...” дип аталган очрашу булды. Укучылар сугыш чоры балаларының берсе - Сөләйманов Нәҗип абый белән очраштылар. Очрашуның һәр мизгеле дулкынландыргыч булды. Сугыш башланганда сигез яшендә генә булган Нәҗип абый ул чордагы тормышның авырлыгы турында сөйләгәндә, күзләр дымланды. Балаларны кызыксындырган сорауларга җавап биргәндә дә, Илһам Шакиров язмасында “Яшьлегемә кайтыр идем” җырын тыңлаганда да, Нәҗип абый күз яшьләрен тыймады. Бу яшьләр бер яктан, сагыш, икенче яктан, бүгенге матур тормышы өчен шатлык яшьләре дә иде.

Сыйныф җитәкчесе: Ибраһимова Р.В.

      "Граҗданлык һәм Ватанпәрварлык" айлыгы кысаларында 6 сыйныф укучылары белән "Әфган җиле" дип исемләнгән сыйныф сәгате мәктәп музеенда "Хәрби - патриотик" бүлегендә үтте. Музей җитәкчесе Тагиров Р.А. әфганчылар турында бик тәэсирле итеп сөйләде һәм укучылар биргән сорауларга төгәл итеп җавап бирде

        Кичә 10 класста (җитәкчесе Ф.М. Залалтдинова) авыл хуҗалыгына кирәкле һөнәрләр белән танышуга карата класс сәгате үткәрелде. 10 класс укучылары авыл хуҗаллыгын үстерүче һөнәр ияләренең нинди сыйфатларга ия булырга тиешлеге турында тренинг үткәрделәр һәм бу һөнәрләргә нинди уку йортларында әзерләүләрен белделәр.

  Патриотик айлык кысаларында башлангыч сыйныфлар арасында аркан тартышу булып узды.

                          Җаваплы:  Кадыйрова Г.Р.

      15 февраль көнне мәктәптә Әфган сугышы ветераннары белән очрашу кичәсе уздырылды.Кичәне 7б сыйныф  җитәкчесе Илһам  Исмагил улы ачып җибәрде.  Кичә укучылар һәм  ветераннар арасында җанлы аралашу формасында узды. 7б сыйныф укучылары  ветераннар өчен бай эчтәлекле һәм югары сыйфатлы итеп хәзерләнгән концерт белән чыгыш ясадылар . Кичәне йомгаклап, мәктәп директоры Лилия Минвагиз кызы кичәгә килүче ветераннарга һәм кичәне оештыручыларга зур рәхмәт әйтеп, әлеге чараның патриотик тәрбия бирүдә зур урын алып торуын ассызыклады.

                   Сыйныф җитәкчесе: Давлетшин И.И.

     Мәктәптә  патриотик  айлыкны үткәрү тулы көченә бара.  Бүген  3 сыйныф укучылары  тыл хезмәткәрләре белән очрашты.  Балалар   аларның чыгышларын  зур кызыксыну белән тыңладылар һәм   үзләренең рәхмәтләрен  җыр , шигырь юллары аша җиткерделәр.

                                                      Сыйныф җитәкчесе: Халиуллина Н.М.