Лагерьның 17нче көне хәрәкәтле уеннар өчен дә, кәгазьдән оригамилар өчен дә планлаштырган иде.

Бүген бездә иҗат көне. Балалар төсле кәгазьләрдән  апликация ясадылар.

Табигатьтә үскән бала мәрхәмәтлерәк була. Мәктәп яны лагеренда ял итүчеләр авылыбыз чишмәсенә сәяхәт кылдылар. Үзара  төрле уеннар уйнап, җиләкләрдән авыз итеп, яңгыр да теләп кайттылар.

Бүген бездә әтиләр көне. Балалар үзләренең әтиләренең портретын ясадылар. Көннең икенче өлешендә юл кагыйдәләре буенча Норлат шәһәреннән Гөлфия Харисова килеп,юл кагыйдәләренә кагылган уеннар уйнатты.

Бүген мәктәп яны лагеренда мультфильм геройларын ясау көне. Һәр бала үзенең яраткан героен ясады. Балаларга пластилиннан фигуралар ясау бик ошый.

Мәктәп яны лагере балаларны һәр төрле  үсешкә ирештерер өчен күп көч куя. Туган якка игътибар арттыру, кече Ватанның зур мөмкинлекләрен файдаланып  калу өчен вакытларын кызганмый эшли тәрбиячеләр. Бүген без Аксубай үзәгенә бардык. Бассейнда коенып, яр буе матурлыкларын күреп кайттык.

Бүген Россия көне. Безнең дәүләтебез турында балалар белән сөйләшүләр алып барылды. Флешмоб биеп, рәсемнәр ясап Ватаныбыз бәйрәмен уздырдык.

Бүген, лагерьның  9нчы көнендә, балалар Казан шәһәренә сәяхәткә бардылар. Алар Кремль буйлап экскурсиядә, музейда булдылар. Балаларның иң көтеп алганы-цирк булды.  Җәйге лагерь тагын бер матур хәтирәсе белән балалар күңелендә калачак.

Бүген бездә "Әхлак кагыйдәләре"көне. "Дуслык"та тәрбияләнүчеләр  шул темага караган әңгәмәләр тыңлады. Рәсемнәр ясап, уеннар уйнадылар.

Рәсәй бүген бәйрәм итә,
Карап булмый тыныч кына,
Чал ветеран ләгънәт укый!
«Тик булмасын сугыш кына!»
Бүген укучылар авылдашларыбызга бәйрәм концерты күрсәтте.