Әниләребез!Рөхсәт итегез укучылар, укытучылар исеменнән кадерле, хөрмәтле, газиз әниләребезне чын күңелдән Аналар көне белән тәбрик итәргә. Әниләр, әнкәйләр, сез бит бу җиргә җылылык таратучылар. Изге теләкләребезне җиткерәсебез килә: саулык – тазалык, имин тормыш, гаилә бәхете, балалар шатлыгы телибез. Тормыш юлларыгыз сикәлтәсез булсын, йөрәкләрегездән өзелеп төшкән балаларыгызның игелеген күреп – бәхеттә, шатлыкта яшәргә язсын.

       Тарихка күз салсак, Ватанны саклаучылар көне - 1922 елның 23 февраленнән РСФСРда Кызыл Армия һәм Флоты көне буларак билгеләнә башлый. 1946 елдан 1993 елга кадәр ул Совет Армиясе һәм Хәрби-Диңгез флоты көне буларак бәйрәм ителә. СССР таркалганнан соң әлеге бәйрәм Ватанны саклаучылар көне буларак билгеләнә һәм 2002 елдан бирле әлеге көн ял көне санала.

        Һәр ел бу бәйрәмгә безнең балалар әтиләр, бабайлар, абыйлар хөрмәтенә бәйрәм ясыйлар, бүләкләр тапшыралар,эчтәлекле шигырьләр сөйлиләр.

        Әтиләре, абыйлары үрнәгендә патриотик рухта тәрбияләнгән яшь егетләребезгә, хәрби хезмәтләрен үтәгәндә, туган якта калган якыннарының тынычлыгын саклап, үзләрен яхшы яктан гына күрсәтерләр, дигән ышаныч белдерәбез.

         Ватан алдындагы изге бурычларын үтәүче барлык ир-егетләрне, хәрби хәрәкәтләрдә катнашучыларны, хәрби хезмәткә хәзерләнүче барлык ир-егетләрне Ватанны саклаучылар көне белән чын күңелдән котлыйбыз. Күк йөзе һәрчак аяз булсын. Сезгә һәм гаиләләрегезгә тыныч тормыш, ныклы сәламәтлек, бәхет, муллык, һәр эшегездә уңышлар телибез.

Халыкара туган тел көне, күренекле язучы Ч.Мусинга-85 яшь тулу кысаларында, район укучыларының иҗади көчләрен барлау, сәләтләрен үстерү максатыннан, Кадыбаш урта гомуми белем бирү мәктәбендә оештырылган ХVII "Көмеш каләм" район фестивалендә "Нәфис сүз остасы" номинациясендә 3 урын яулаган 4 сыйныф укучысы Шамсутдинов Альмирны чын күңелдән котлыйбыз.

15 нче февраль Әфганстаннан Совет гаскәрләре чыгарылган көн буларак билгеләнеп үтелә. 2019 нчы елның 15 нче февралендә Әфганстан җиреннән Совет гаскәрләрен чыгарылуга 30 ел булды. Бер караганда, 30 ел аз вакыт түгел, бу арада йөрәк яралары да төзәлергә, шул еллар буена күңел түрендә сакланган югалту, әрнү хисләре дә сабыраерга тиеш иде сыман. Әмма юк икән шул –14 нче февраль көнне Шаршады башлангыч мәктәп –балалар бакчасында Әфган вакыйгаларын кичкән сугышчы –интернационалист Гайнуллин Ильдар катнашында үткән чара да хатирәләрнең мәңгелек икәнлеген раслады. 10 елга якын дәвам иткән әлеге сугышчан хәрәкәтләрдә Шаршады авылыннан 2 кеше, ә районнан 100ләп якташыбыз катнашкан икән бит. Әфган җирен үз күзләре белән күргән, анда барган сугышларда катнашкан якташыбыз  хатирәләре белән уртаклашты, укучыларны кызыксындырган сорауларга җавап бирде. Очрашу бөтен җир шарында тынычлык булсын, сугыш-афәтләр булмасын дигән теләкләр белән тәмамланды.

14февральдә бәйрәм ителүче Изге Валентин – Гашыйклар көне безнең бәйрәмнәр календарендә бер серле, ләкин шулай да үзенчәлекле дата булып төпләнеп калды. Мәктәптә дә шул уңайдан авыл китапханәчесе Мауликаева Айсинә ярдәме белән  кечкенә генә, ләкин бик тә эчтәлекле чара уздырылды. Укучыларга төрле уеннар, сораулар тәкъдим ителде. Балаларга да ,укытучыларга да чара бик ошады. Күктәге кояш та шушы бәйрәмгә сөенгәндәй, язгыча, елмая иде.

Кыш Бабай белән Кар кызы, 2019 елның символы – Дуңгыз һәм башка персонажлар балаларны бәйрәм белән котладылар. Балалар укытучылары һәм әти-әниләре белән бергә уеннарда катнаштылар, җыр-биюләр күрсәттеләр, шигырьләр сөйләделәр, сәхнәләштерелгән күренеш куйдылар.

Мәктәп директоры Айсылу Әхмәтгәрәй кызы шулай ук барысын да якынлашып килүче бәйрәмнәр белән тәбрикләде. Бәйрәм бик күңелле узды, балаларга бүләкләр тапшырылды. 

Добрый родители!

Просим Вас организовать 7 декабря с 17.00 до 19.00 учавствовать на

ежегодном Республиканском родительском собрании, на котором родители вместе с ведущими экспертами и наставниками обсуждают важные вопросы, касающиеся развития и реализации потенциала молодых людей.

Көннең яктылыгы-кояшта,күкнең матурлыгы-йолдызларда,җир йөзенең гүзәллеге-хатын-кызларда. Шул уңайдан "Шаршады башлангыч мәктәп – балалар бакчасында» "Әниләр көне "үткәрелде.

26 нчы ноябрь көнне Шаршады башлангыч мәктәп – балалар бакчасында ата-аналар җыелышы узды. Җыелышта «Ата –аналарның хокуклары һәм бурычлары» темасына доклад укылды. Әти-әниләр 1 нче чирек нәтиҗәләре белән таныштылар. Ата-аналар белән имтиханнар, мәктәптә уздырылучы чаралар турында сөйләшелде.